काठमाडौ– कोरोना संक्रमणबाट काठमाडौं जिल्ला अदालतका न्यायाधीश वासुदेवलाल श्रेष्ठको निधन भएको छ।
जिल्ला अदालतका अनुसार केही समयदेखि शुक्रराज ट्रपिकल सरुवा रोग अस्पतालमा उनको उपचार भइरहेको थियो।
दुई साताअघि जिल्ला अदालतमा गरिएको परीक्षणमा उनको रिपाेर्ट पोजिटिभ आएको थियो। उनलाई शुरुमा श्वास प्रस्वासमा समस्या देखिएको थियो।
मृतकको पशुपति आर्घघाटमा अन्त्येष्टि गरिने परिवार स्रोतले जनाएको छ।
काेराेनाका कारण न्यायपालिकाको उच्च व्यक्तिको याे दोस्रो मृत्यु हो। यसअघि न्याय परिषदका सदस्य लक्ष्मीबहादुर निराला खड्काको निधन भएको थियो।
उनी पनि कोरोना संक्रमण भएपछि सशस्त्र प्रहरीको कोभिड अस्पतालमा उपचारका लागि भर्ना भएका थिए । उपचारका क्रममा उनको निधन भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
