यस्तो छ निर्वाचन आयोगले नेकपाको दुवै पक्षलाई पठाएको पत्र

राजनीति

यस्तो छ निर्वाचन आयोगले नेकपाको दुवै पक्षलाई पठाएको पत्रछलफल गरेर थप रणनीति बनाउने तयारीमा प्रचण्ड-नेपाल पक्ष

नेपाल लाइभ मंगलबार, माघ १३, २०७७ १७:३९

काठमाडौं- निर्वाचन आयोगले नेकपाको विभाजन र फेरबदललाई अस्वीकार गरेको पत्र दुवै पक्षलाई पठाएको छ। प्रधानमन्त्री केपी शर्मा ओली पक्ष र प्रचण्ड-नेपाल पक्षलाई आयोगले पठाएको पत्र दुवै पक्षले बुझिसकेका छन्।

नेकपा पुष्पकमल दाहाल प्रचण्ड र माधवकुमार नेपाल पक्षका नेता लिलामणि पोखरेलले पत्र प्राप्त भइसकेको र उक्त विषयमा पार्टीमा थप छलफल गरेर रणनीति बनाउने तयारी भइरहेको जानकारी दिए।

ओली पक्षले भने यो विषयमा अहिलेसम्म औपचारिक जानकारी बाहिर ल्याएको छैन। प्रधानमन्त्री ओलीले सोमबार दाङमा आयोजित कार्यक्रममा माधव नेपाललाई अध्यक्ष बनाइएको विषयमा व्यंग्य गर्दै आयोगले अध्यक्ष पद नै अस्वीकार गरेकोमा खुशी व्यक्त गरेका थिए।

आयोगले आइतबार नेकपाका दुवै पक्षले विवरण संशोधनका लागि पेश गरेको कागजपत्र अनुसार संशोधन गर्न नमिल्ने र नेकपामा ओली र प्रचण्ड नै अध्यक्ष रहेको निर्णय गरेको थियो।

यसका साथै पुस ५ गतेयता नेकपाका दुवै पक्षले गरेका फेरबदल र निर्णय समेत कानूनसम्मत नभएको निर्णय गरेको थियो। उक्त निर्णय अनुसारको पत्र आयोगले सोमबार दुवै पक्षलाई पठाएको थियो।

हेरौं पत्र:

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो