रसुवा– एग्रो टुरिजमको प्रवर्द्धन गर्न रसुवाका किसानले माग गरेका छन्।
भूमि, व्यवस्था कृषि तथा सहकारी मन्त्रालय प्रदेश नम्बर ३ हेटौंडाले शनिबार धुन्चेमा गरेको भूमि व्यवस्था कृषि, पशुपन्छी र सहकारी सम्बन्धी अन्तर्क्रिया कार्यक्रममा जिल्लाका किसानले यस्तो माग गरेका हुन्।
एग्रो टुरिजमको प्रवर्द्धन गर्न नसके जिल्लामा विकासले गति नलिने माछा पालन व्यवसायी सुशील सगौलाले बताए।
‘यसअघि जिल्ला बाहिर काम गरिरहेको म अहिले आफ्नै ठाउँमा केही गर्छु भनेर अहिले आएको छु’, उनले भने, ‘हाम्रै गाउँका कृषि, पशुपालन, होटल लगायतका व्यवसायलाई जोड दिनुपर्नेछ।’
युवाहरुले एग्रो टुरिजमलाई जोड दिइरहे पनि सम्बन्धित निकाय बाधक बन्दा समस्या भएको बताइएको छ। एग्रो टुरिजम दर्ता प्रक्रिया सम्बन्धि स्पष्ट कानुनी आधार नहुँदा समस्या भएको सगौलाले बताए ।
उनले भने ‘एग्रो टुरिजम मार्फत अहिलेका युवाहरुले व्यवसाय गर्न चाहिरहेका छन्, दर्ता गरेर व्यवसाय गर्न चाहँदा कि कृषि मात्र गर कि होटल व्यवसाय मात्र गर्न पाइन्छ भनेर सम्बन्धित निकायले भन्ने गरेका छन्। यसले समस्या भएको छ।’
जिल्लामा बजार नहुँदा कृषि व्यवसायीहरु समस्यामा परे पनि एग्रो टुरिजमको विकास भए बजारको व्यवस्थापन हुने बंगुर पालक किसान कामी नुर्पू तामाङले बताए।
उनले भने, ‘हाम्रो जिल्लामा एग्रो टुरिजमको विकास गर्नसके बजारको पनि समस्या हुँदैन। तर, मुखले सबै गर्छु भन्छन्, काम भने केही हुँदैन।’
जिल्लाको गतलाङ र गोल्जुङको कालो मुसुरो, आलु, सिमी लगायतका उत्पादन पकेट क्षेत्रको रुपमा विस्तार गरी भण्डारका लागि आवश्यक पूर्वाधारको विकास गर्न किसानले माग गरेका छन्।
जिल्ला समन्वय समितिका सभापति कुलप्रसाद भट्टले जिल्लाको तल्लो भेगमा धान, गहुँ, मकैको पकेट क्षेत्र र माथिल्लो भेगमा आलु कालोमुसुरो, सिमी र स्याउ खेतीको रुपमा विस्तार गर्नुपर्ने बताए।
कृषि कर्जा नपाएको गुनासो
जिल्लामा कृषि तथा पशुपालन गर्ने व्यवसायीलाई बैंकले सहुलियत ऋण उपलब्ध नगराएको किसानले गुनासो गरेका छन्। कृषि तथा पशु पालनमा सहुलियत ऋण नपाउँदा व्यवसायीहरु निराश हुँदै गएको बंगुर पालक व्यवसायी कामी नुर्पू तामाङले बताए।
कृषि कर्जा लिन काठमाडौंमा जग्गा भएकाले मात्र पाउने बैंकले बताउने गरेको माछा पालन व्यवसायी सुशील सगौलाले बताए।
कार्यक्रममा सहभागी किसानहरुले कृषि तथा पशुपालन गर्ने व्यवसायीलाई सहुलियतमा सहज रुपमा कर्जा उपलब्ध गराउन भूमि व्यवस्था कृषि तथा सहकारी मन्त्री दावा दोर्जे लामा समक्ष माग गरे। स्थानीय स्तरमा हुने कृषि उपजहरु निर्यात गर्नका लागि पहल गरिदिन समेत उनीहरुले आग्रह गरेका छन्।
कृषिमन्त्रीले भने– किसानलाई प्रोत्साहन गर्ने कार्यक्रम ल्याउँछौं
किसानहरुको गुनासो सुनेपछि प्रदेश ३ का कृषिमन्त्री लामाले किसानलाई प्रोत्साहन गर्ने कार्यक्रमहरु ल्याउने बताए।
आगामी आर्थिक वर्षमा उत्पादनमूलक क्षेत्रमा लाग्ने किसानलाई प्रोत्साहन गरिँदै लगिने उनको भनाइ थियो।
मन्त्री लामाले एग्रो टुरिजमका लागि रसुवा उपयुक्त जिल्ला भएकाले बाधाहरु फुकाउँदै समस्या समाधान गरिने बताए।
उनले भने, ‘स्थानीय तहले समस्या समाधान गरेन भने प्रदेशमा ल्याउनुस्। हामीले पनि गर्न नसक्ने अवस्था भएमा केन्द्रबाट गराउन पहल गर्छौं।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736477475.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
