काठमाडौं–नेकपा उपाध्यक्ष वामदेव गौतमलाई फकाउन वरिष्ठ नेताद्वय झलनाथ खनाल र माधवकुमार नेपाल तथा प्रवक्ता नारायणकाजी श्रेष्ठ गौतम निवास भैंसेपाटी पुगेका छन्। मंगलबारबिहानै प्रचण्ड–नेपाल पक्षकातर्फबाट नेपाल, खनाल र श्रेष्ठ निवासमै गएर फकाएका हुन्।
गौतमले दुवै पक्षको भेलामा सहभागी नहुने भन्दै पार्टी एकताको पक्षमा अन्तिमसम्म रहने बताएका थिए। उनले भेलामा जान अस्वीकार गरेका छन्। गौतम ओलीले बोलाएको केन्द्रीय समिति बैठकमा पनि अनुपस्थित भएका छन्। निवास पुगेका तीनै नेताले प्रचण्ड–नेपालले बोलाएको केन्द्रीय समिति बैठकमा उपस्थित हुन गौतमलाई आग्रह गरेको बुझिएको छ।
पार्टी विभाजनकै अवस्थामा पुग्दासमेत गौतम तथा सचिवालय सदस्य रामबहादुर थापा ‘बादल’ कुनैपनि समूहको भेलामा उपस्थित भएका छैनन्। दुवै नेताले आफू एकताको पक्षमा रहेको बताईरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
