काठमाडौँ- नेकपा अध्यक्ष पुष्पकमल दाहाल‘प्रचण्ड’र वरिष्ठ नेता झलनाथ खनालबीच खुमलटारमा भेटवार्ता भएको छ। आइतबार बिहान बसेको मन्त्रिपरिषद् बैठकबाट संसद विघटन गर्न राष्ट्रपतिलाई सिफारिस गरेपछि प्रचण्ड र खनालबीच छलफल भएको हो।
बालुवाटारबाट प्रचण्ड फर्किएपछि नेता खनाल खुमलटार पुगेका हुन्। उनीहरूबीच छलफल जारी रहेको प्रचण्डको सचिवालयले जानकारी दिएको छ।
प्रधानमन्त्री ओलीले भने प्रचण्डसँगको भेटपछि मन्त्रिपरिषद बैठक राखेका थिए। यसपछि लगत्तै उनी राष्ट्रपति विद्यादेवी भण्डारीलाई भेट्न सितल निवास पुगेका छन्।
संसद विघटनको चिठ्ठी लिएर ओली शीतल निवास पुगेका हुन्। ओली शीतल निवासबाट फर्किएपछि प्रचण्ड-ओलीबीच पुन संवाद गर्ने तयारी रहेको एक मन्त्रीले बताए।
‘अहिले प्रधानमन्त्रीज्यू राष्ट्रपतिज्यूकहाँ हुनुहुन्छ। प्रचण्ड कमरेड खुमलटार खाना जान्छु भनेर बाहिरिनु भएको हो। छोटो भेटघाट पनि सकाएर आउँछु भन्नु भएको छ,’ ती मन्त्रीले भने, ‘फेरि दुई अध्यक्षबीच पार्टी विवादका विषयमा छलफलमा जुट्ने भन्नु भएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
