'किसानको दुःख बुझिदेऊ सरकार!' [फाेटाे फिचर]

समाचार

नेपाल लाइभ आइतबार, मंसिर २८, २०७७ १४:१८

काठमाडौं–लामो समयदेखि उखुको बक्यौता नपाएपछि राजधानी आएका उखु किसानहरुले आफ्नो दुःख र वेदना माइतीघर मण्डलामा पोखेका छन्। उनीहरुले ‘किसानलाई बाँच्न देऊ, सानो छ खेत ठूलो छ सरकार, माफियाको गुलियोमा सरकार भुलियो’ जस्ता नारा लगाएका थिए।

विभिन्न चिनी उद्योगले लामो समयदेखि करोडौं रुपैयाँ बक्यौता नतिरेपछि आजबाट उखु किसानले माइतीघरमा धर्ना थालेका हुन्।

जिल्ला र केन्द्रमै पुगेर किसानले आन्दोलन थालेको करिब तीन वर्ष हुन लागेको छ। उनीहरुका माग सम्बोधन गर्न गत वर्ष पुस १८ गते सरकारको रोहबरमा चिनी उद्योगी र किसानहरुबीच ५ बुँदे सहमति भएको थियो। तर उद्योगी र सरकार समेतले उक्त सम्झौता कार्यान्वयनमा उदासिनता देखाएपछि यस पटक फेरि किसान आन्दोलित भएका हुन्।

गत वर्ष पुस १८ गते उद्योग, वाणिज्य तथा आपूर्ति मन्त्री लेखराज भट्टको रोहबरमा उखु किसान र उद्योगीबीच २०७६ माघको पहिलो हप्ताभित्र सबै रकम तिरिसक्नेलगायत ५ बुँदे सम्झौता भएको थियो। तर किसानको रकम भुक्तानी गर्न चिनी उद्योगीले मागेको समयसीमा गुज्रेको एक वर्ष बितिसक्दा पनि सरकारले कुनै पहल गरेको देखिँदैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री राणाद्वारा जालपादेवी केबलकार शिलान्यास

सुडानमा विद्रोही अर्धसैनिक समूहको आक्रमणमा २० जनाको मृत्यु, १७ घाइते

लोकतन्त्र स्थापनामा पत्रकारिता क्षेत्रको भूमिका महत्वपूर्ण छ: परराष्ट्रमन्त्री राणा