काठमाडौं- सुन्दर यातायात प्रालिका अध्यक्ष भेषबहादुर थापा पक्राउ परेका छन्। बैकिङ कसुरसम्बन्धी उजुरी परेपछि काठमाडौं प्रहरी परिसरले अध्यक्ष थापालाई बुधबार पक्राउ गरेको हो।
महानगरीय प्रहरी परिसर काठमाडौंका प्रमुख एसएसपी श्याम ज्ञावलीका अनुसार १ करोडको चेक बाउन्स भएको उजुरी आएपछि सुन्दर यातायातका अध्यक्ष थापालाई पक्राउ गरिएको हो।
झविन्द्र बन्जाडेले चेक बाउन्ससम्बन्धी मुद्दामा प्रहरीमा उजुरी दिएपछि पक्राउ गरिएको हो। पक्राउ परेका थापाका विषयमा अनुसन्धान भइरहेको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।