काठमाडौं–नेकपा अध्यक्ष एवंं प्रधानमन्त्री केपी ओली र अर्का अध्यक्ष पुष्पकमल दाहाल ‘प्रचण्ड’बीच कर्णाली प्रदेशका मुख्यमन्त्री महेन्द्रबहादुर शाहीसहित प्रदेश कमिटीका पदाधिकारीको कुरा सुनेपछि निर्णय लिने सहमति भएको छ।
कर्णाली विद्रोहको विषयमा दुई अध्यक्षले सोमबार, मंगलबार र बुधबार तीन दिन छलफल गरिसकेका छन्। बुधबार दुई अध्यक्षबीच करिब ३ घण्टा छलफल चलेको प्रधानमन्त्रीको सचिवालयले जनाएको छ।
कर्णाली विद्रोहको विषयमा छलफल गर्न दुई अधयक्षले बिहीबारका लागि समय तोकेका छन्। बुधबारै मुख्यमन्त्री शाहीसहित प्रदेश कमिटीका सबै पदाधिकारी काठमाडौ आउने तयारी गरेका छन्। प्रदेशका मुख्यमन्त्रीसहित सहइन्चार्ज यामलाल कँडेल,अध्यक्ष गोरखबहादुर बोगटी र सचिव मायाप्रसाद शर्मा आउने भएका छन्।
सबै पदाधिकारीका कुरा एक–एक गरेर सनेपछि दुई अध्यक्ष निष्कर्षमा पुग्ने बताइएको छ। उक्त विवादलाई मन्त्रिपरिषद पुनर्गठन गरेर मिलाउने सम्भावना धेरै देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
