अमेरिका र चीनबीच ७ घण्टा वार्ता, तनाव मत्थर पार्ने प्रयास

विश्व

नेपाल लाइभ शुक्रबार, असार ५, २०७७ ०७:५०

एजेन्सी–भारत र चीनबीचको सम्बन्ध तनावपूर्ण रहेका बेला अमेरिका र चीनबीच रहेको तिक्तता मेटाउने प्रयास भएको छ। चीनका शीर्ष कुटनीतिज्ञ याङ जिची र अमेरिकी विदेशमन्त्री माइक पोम्पियोबीच बुधबार हवाईमा ७ घण्टा वार्ता भएको छ। दुवै डिनरमा भेट भएका थिए।

दुई देशबीचको वार्ताले हाल जारी तनावपूर्ण माहौलमा कमि ल्याउने र मध्यमार्गी समाधानको उपाय निकाल्ने विश्लेषण गरिएको छ। चीनले यो भेटलाई रचनात्मक भनेर प्रतिक्रिया दिएको छ।

याङले अमेरिकासँग हङकङ, ताइवान र शिन्जियाङ मामिलामा दख्खल नदिन भन्दै यो आन्तरिक मामिला भएको बताएका थिए। पोम्पियोले कोरोना भाइरस महामारीको सूचना सार्वजनिक गरेर पारदर्शीता देखाउन आग्रह गरेका थिए। अमेरिका र चीनबीच वार्ता भएकै समयमा भारत र चीनबीच भने तनाव कायमै छ। लद्दाखको सीमामा दुई देशका सैनिकबीच भएको हिंसात्मक झडपमा २० भारतीय सैनिकको मृत्यु भएको थियो। चीनले भने उक्त झडपमा आफ्नातर्फ भएको क्षतिको बारेमा सार्वजनिक गरेको छैन।