काठमाडौं- ओमानमा समस्यामा परेका १६६ नेपाली काठमाडौं आइपुगेका छन्। सलाम एयरको चार्टर विमानमार्फत उनीहरु आज काठमाडौं आइपुगेका हुन्। उनीहरुसँगै एउटा शव समेत ल्याइएको छ।
ओमानबाट सलाम एयरमार्फत आएका यात्रुहरुले ११५ ओमानी रियाल अर्थात् ३६ हजार नेपाली रुपैयाँ तिरेका छन्।
उनीहरु सरकारले तोकेकोभन्दा सस्तो भाडादरमा स्वदेश फर्किएका हुन्। सरकारले तोकेको भाडा दुई पटक घटाएर पनि ४५ हजार नेपाली रुपैयाँ तिर्नुपर्ने थियो। तर दूतावासले सस्तो व्यवस्था गरिदिएपछि उनीहरु सहज रुपमा स्वदेश फर्किएका हुन्।
ओमानबाट फर्किएकाहरुसँग कोरोना परीक्षणको पिसिआर रिपोर्ट नेगेटिभ भएकाले उनीहरु होम क्वारेन्टाइनमै जान पाउने बताइएको छ।
ओमानबाट अर्को उडान असार ४ गते हुने दूतावासले जनाएको छ। सो उडानमार्फत १८० नेपाली स्वदेश पठाइने ओमानका लागि नेपाली राजदूत शर्मिला पराजुली ढकालले जानकारी दिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751794354.jpg)
-1751533150.jpg)
-1749826086.png)
