काठमाडौं- पश्चिम रुकुमको चौरजहारीमा भएको हत्या काण्डमा जिल्ला सरकारी वकिलको कार्यालयले तीन अभियोगमा मुद्दा दायर गरेको छ। जिल्ला सरकारी वकिलको कार्यालय रुकुम पश्चिमले प्रहरीको अनुसन्धान प्रतिवेदनपछि आइतबार जिल्ला अदालतमा २ नाबालकसहित ३४ जनाविरुद्ध मुद्दा दायर गरेको हो।
प्रहरीले ३२ जनाविरुद्ध आजन्म कैदको सजाय माग गरेको छ। मुलुकी फौजदारी संहिताअनुसार उनीहरुलाई हदैसम्मको कैद सजाय हुनुपर्ने माग अभियोगपत्रमा उल्लेख छ। अभियोगपत्रमा वडाध्यक्ष मल्लविरुद्ध पनि आजन्म कैदको सजाय माग गरिएको छ। यसरी मुद्दा दायर भएकामध्ये पाँच जना अभियुक्त फरार रहेका छन् भने २९ जनालाई अदालतमा पेश गरिएको छ। फरार हुनेमा तुलाराम घर्ती, भिम बहादुर बुढा, डिल्ली घर्ति, क्वापे भनिने लोकेन्द्र घर्ती, र सौभर पुन रहेका छन्।
उनीहरुको हकमा अदालतबाट म्याद जारी हुनुपर्ने माग अभियोगपत्रमा गरिएको छ। अदालतले पुर्पक्षको बहसका लागि उनीहरुको नाममा अब अदालत उपस्थित हुने म्याद जारी गर्नेछ। अदालतले तोकेको म्यादमा उपस्थित भएमा थुनछेक बहस हुनेछ भने उपस्थित नभएमा अन्य प्रक्रिया अबलम्वन गर्नेछ। अदालतमा उपस्थित हुँदै नभएमा फैसला सुनाउने क्रममा अदालतले उनीहरुको कुरा नसुनी फैसला सुनाउनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766294823.png)
-1764146706.png)
-1763721444.png)
