काठमाडौं- अर्थमन्त्री डा. युवराज खतिवडाले सेयर बजार खोल्नु अगाडि आवश्यक तयारी गरेर खोल्न निर्देशन दिएका छन्। धेरै लामो समयसम्म लक डाउन हुन्छ भनेर चुप लागेर बस्नु भन्दा सुधारका लागि गर्नु पर्ने आवश्यक काम अगाडि बढ्न उनले अनुरोध गरे। नेपाल धितोपत्र बोर्डको २८औँ वार्षिकोत्सवको अवसरमा आयोजित कार्यक्रममा उनले भने, 'बजार खोलेको दिन हामीले गर्नुपर्ने कार्यहरुको तयारी गरेर अगाडि बढ्नु उपयुक्त हुन्छ।'
लकडाउन अगाडि नै दोस्रो बजार बन्द भएको थियो। लगानीकर्ताको दवावछि गत बैशाखमा दुई दिन बजार खोलेर बन्द गर्नु परेको थियो। संक्रमणको प्रभाव लगातार बढ्न थालेपछि बजार बन्द गरिएको नेपाल धितोपत्र बोर्डका अध्यक्ष भीष्मराज ढुङ्गानाले बताए।
बहुमत लगानीकर्ता अनलाइन प्रणालीमा संलग्न नभएपछि बजार बन्द गरिएको ढुङ्गानाले स्पष्टीकरण दिए। बजारलाई आगामी दिनमा पनि उही लयमा आउने गरी काम गर्ने उनले बताए। बोर्डले प्राथमिक र दोस्रो बजारको पुहँच विस्तार गर्ने गरि काम गरिरहेको उनले जानकारी दिए। उनले भने, 'आगामी दिनमा पनि सहज रुपमा प्राथमिक र दोस्रो बजारको विकार गर्नेछौँ।' आस्वा तथा सिआस्वा प्रणालीबाट अधिकांश स्थानीय निकायबाट प्राथमिक सेयर किन्न सक्ने अवस्था रहेको र दोस्रो बजारको पुहँच विस्तार गर्न ब्रोकरका प्रतिनिधि राख्ने व्यवस्था गरिने उनले बताए।
बजेटबाट विगत दुई वर्षमा पुँजी बजारलाई प्रोत्साहनको काम गरिएको खतिवडाले बताए। सरल ढङ्गले कर तिर्न सक्ने स्थिति, सहज ढङ्गले व्यवसाय गर्दा कर कै कारणले धितोपत्र बजारलाई प्रतिकुल असर नपरोस् भरेर हेर्ने कुराहरुले पछिल्लो समय धितोपत्र बजार सुधार भएको खतिवडाको दाबी गरे।
अझै पनि केही कुराहरु मिलानु पर्ने भएर आफू तयार भएको खतिवडाले प्रतिबद्धता व्यक्त गरेका थिए। धितोपत्र बजार चलाउनलाई नेप्सेको नियामक निकायले मात्रै पुग्दैन उनले भने, 'धितोपत्र बजार सञ्चालन गर्नलाई तरलता आवश्यक पर्छ। व्यक्तिसँग तरलता नभइ सेयर किन्न सक्दैन,' उनले थपे 'तरलताका व्यवस्थापनका कुराहरु मार्जिनका कुराहरु अथवा अर्को किसिमले भन्ने हो भने कारोबारलाई छिटो छिटो टि प्लस थ्रिबाट अझ घटाएर लैजाने कुराहरुका विषयमा धितोपत्र बोर्डले नेस्से सँग छलफल गरेर छिटो छिटो कारोबार गराउन सकियो भने नयाँ तरलता व्यवस्था गर्न सकिन्छ।'
पुँजीबजारमा सबैको पहुँच बढाउने कुरा गर्दैगर्दा वित्तीय साक्षरता पनि आवश्यक पर्ने उनले बताए। यसका लागि नेपाल धितोपत्र बोर्ड नेपाल राष्ट्र बैंक वा नेपाल सरकारले के गर्नु पर्ने हो सो काम गर्न तयार रहेको उनले प्रतिबद्धता व्यक्त गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
