फाइल फोटो काठमाडौं- नेकपा सांसद नारायणकाजी श्रेष्ठले नेपाल-भारतबीचको सम्बन्ध विश्वमै अनुपम बनाउन चाहेको बताएका छन्। भारतद्वारा अतिक्रमण गरिएको नेपाली भूमि फिर्ता गर्नुपर्ने माग गर्दै उनले दुई देशबीच मित्रताको विकल्प नरहेको बताए।
‘नेपाल भारतका बीचमा केही समस्या देखापरेको छ। कालापानी मात्र होइन, विभिन्न स्थानमा स्तम्भ उखलिएको छ। सुस्ताबासी धेरै वर्षदेखि पीडामा छन्। ऐतिहासिक दस्तावेज र प्रमाण हेरेर हाम्रो भूमि फिर्ता गरिदिए पुग्छ। हामीसँग भएका असमान सन्धिहरु प्रतिस्थापन गर्नुपर्ने आवश्यकता छ। १९५० को सन्धि प्रतिस्थापन गरौं भनेर हामी भनिरहेका छौ। यो आजको आवश्यकता पनि हो। आन्तरिक हस्तक्षेप नहोस् भन्ने हामी चाहान्छौं‘, मंगलबारको राष्ट्रियसभामा बोल्दै श्रेष्ठले भने।
उनले नेपाल र भारत छिमेकी मात्र नभई दुई देशका बीचमा सामाजिक, सांस्कृतिक र जनस्तरको सम्बन्ध रहेको उनले स्मरण गराए। ‘यो सम्बन्ध बहुआयामिक छ। यसलाई कसरी सुदृढ पार्ने सोच्नु पर्छ’, उनले थपे, ‘यसको विकल्प भनेको अझ मैत्रीपूर्ण बनाउने नै हो।‘
उनले आफूहरु कुनै पनि अवस्थामा भारतको विरोधी हुन नसक्ने र नभएको प्रष्ट पारे। ‘तर, हाम्रो भूमिको विषयमा कसैसँग सम्झौता गर्न सक्दैनौं’, उनले भने।
नेपाली जनताले सबै भूभाग समेटिएको नक्सा प्राप्त गरेका भन्दै उनले यसलाई ऐतिहासिक कोसेढुंगाको रुपमा अर्थ्याए।
उनले नेपालको कुनै पनि शासक र सरकारले सुगौली सन्धि वा अन्य सन्धि गरेर नेपालको भूभाग कसैलाई दिएको प्रमाण नभएको उनले बताए। भारतद्वारा अतिक्रमण भएको भन्दै उनले अतिक्रमित जमिन आफूहरुले फिर्ता पाउनुपर्ने बताए। ‘तत्काल भारतीय सैनिक फिर्ता गर्नुपर्छ भन्नेमा सबै एक ठाउँमा छौं’, उनले भने, ‘यो ऐतिहासिक कार्यका लागि सवै मिलेर जानु पर्ने छ। भारत अब सकारात्मक रुपमा वार्तामा आउनुपर्छ। वार्ताको विकल्प छैन।‘
भारतीय सेनापति र पूर्वसचिव कतिपयले लगाएको आरोप खेदजनक भएको उनले बताए।
उनले वजेटमा आर्थिक संकटको हेरेर सरकारी कर्मचारीले पाउने भत्ता कटौती गरिएको भन्दै सांसदले पनि भत्ता नलिने निर्णय गर्न आग्रह गरे।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
