काठमाडौं- आइतबार पहिलोपटक नुवाकोटमा कोरोना संक्रमितको बिरामी फेला पर्यो। राजनीतिक गतिविधी र सामाजिक क्षेत्रमा काठमाडौं-नुवाकोट गरिरहने एक व्यक्तिमा कोरोना संक्रमण पुष्टि भयो। काठमाडौं महानगरपालिकाको फोहोरमैला व्यवस्थापनको बैठकमा सहभागी हुन लकडाउनको समयमा पनि उनी पटक पटक काठमाडौं आएका थिए।
उनमा कोरोना संक्रमण पुष्टि भएपछि उनी त्यहाँवाट आफ्नै मोटर साइकलमा टेकु अस्पताल आए र भर्ना भए। जिल्लामै पहिलो कोरोना संक्रमित ककनी गाउँपालिकामा देखा पर्यो। काठमाडौंबाट करिब १७ किलोमिटरको दूरीमा रहेको यो क्षेत्रमा ती संक्रमित‚ अस्पताल भर्ना भएर संक्रमण पुष्टि भएको तीन दिनसम्म पनि उनको सम्पर्कमा रहेका व्यक्तिहरूको कन्ट्याक्ट ट्रेसिङ नभएको पाइएको छ।
नुवाकोटका ४० वर्षीय पुरुष ककनी गाउँपालिका–३, चाउथेका स्थानीय थिए। उनी अस्पताल भर्ना भएपछि उनका परिवारको स्वाब संकलन गर्ने, उनीसँग सम्पर्कमा रहेका व्यक्तिहरूको खोजी गर्ने काम गाउँपालिकाले बुधबारमात्र गरिरहेको छ।
गाउँपालिका अध्यक्ष मानबहादुर लामाले कोरोना संक्रमितसँग सम्पर्कमा रहेका व्यक्तिहरूको कन्ट्याक्ट ट्रेसिङ आजबाट सुरु भएको बताए। दुई दिनसम्म मौन रहेको गाउँपालिका, प्रदेश र अन्य निकाय बुधबारमात्र परिवारको खोजीमा जुटेको हो। कोरोना संक्रमितसँगको सम्पर्कमा रहेका व्यक्तिहरूको कन्ट्याक्ट ट्रेसिङ बुधबारबाट मात्र सुरु भएको जनस्वास्थ्य कार्यालय नुवाकोटले जनाएको छ।
‘हिजोसम्म सबै स्वास्थ्यका कर्मचारीलाई तालिम सञ्चालन गरिएको थियो’ जन स्वास्थ्य कार्यालयका प्रमुख सागर घिमिरले भने‚ ‘अब उहाँहरू फिल्डमा जानुभएको छ। स्वाब संकलन गरेर परिक्षणका लागि पठाइनेछ।’
उनी संक्रमित भएपछि उनीसँग सम्पर्कमा रहेको व्यक्तिहरूको खोजी कार्यमा किन ढिलाइ गरियो भनी सोधिएको प्रश्नमा गाउँपालिका प्रमुख लामाले परीक्षणका लागि किट र दक्ष कर्मचारी नहुँदा समस्या भएको बताए। काठमाडौंबाट किट र अन्य सामग्री समयमा नआउँदा समस्या भएको‚ अब फिल्डमा गइसकेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
-1786513116.png)
