काठमाडौं- सरकारले जापान र हङकङको भिसा भएका र स्थायी बसोबास अनुमति पाएकाहरूलाई निजी खर्चमा सम्बन्धित देश जान दिने निर्णय गरेको छ।
शुक्रबार बसेको उच्चस्तरीय समितिको बैठकले जापान र हङकङको भिसा भएका र स्थायी अनुमति पाएकाहरूलाई आफ्नै व्यवस्थापनमा जान दिने निर्णय गरेको हो।
उनीहरुलाई सम्बन्धि देश जानका लागि सरकारले अनुमति दिए पनि कसैलाई पनि नेपाल आउन नदिने समितिको निर्णय छ। 'नेपालबाट जापान र हङकङको भिसा भएकालाई र जान चाहनेलाई व्यक्तिगत खर्चमा सम्बन्धित देश जान दिने निर्णय भएको छ,' उच्चस्तरीय समितिका सदस्यसचिव नारायण बिडारीले भने। तर विदेशमा अलपत्र परेका नेपाली नागरिकलाई स्वदेश फर्काउने विषयमा भने कुनै निर्णय नभएको उनको भनाइ छ।
यसअघि सरकारले कोरियामा पनि कामदार पठाउन अनुमति दिने निर्णय गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
