दार्चुला- महाकाली नदीमा हाम फालेकी महिलाको जिल्ला अस्पताल दार्चुलामा उपचार हुन नसकेपछि हेलिकोप्टरमार्फत् उद्धार गरिएको छ। उनलाई थप उपचारका लागि कोहपुर लगिएको हो।
उनको स्वास्थ्य अवस्था गम्भीर रहेको जिल्ला अस्पताल दार्चुलाले जनाएको छ। नेपाली कांग्रेसका सांसद दिलेन्द्रप्रसाद बडु, स्थानीय प्रशासन र ब्यास गाउँपालिका अध्यक्षको संयुक्त पहलमा हेलिकोप्टरबाट उद्धार गरिएको नेपाली कांग्रेसका जिल्ला सभापति ललित सिंह बोहराले बताए।
आइतबार बिहानै महाकाली नदीमा बगिरहेको अवस्थामा उनलाई देखेपछि सशस्त्र प्रहरीको टोलीले उद्धार गरेको ५० नं. गुल्म दार्चुलाका गुल्मपति दिपेन्द्र बिस्टले बताए। उनकाे जिल्ला अस्पताल दार्चुलामा उपचार सम्भव नभएपछि रिफर गरिएको जिल्ला अस्पताल दार्चुलाका प्रमुख डा. गजेन्द्र दुवालले जानकारी दिए।
ऐतवालको उद्धारका लागि नेपाली सेनाको एनए ०५५ नम्बरको हेलिकोप्टर दार्चुला सदरमुकाममा रहेको दुर्गादल गुल्ममा पुगेको थियो। घटनाबारे छानबिन भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
