काठमाडौं- निजी क्षेत्रका व्यवसायीहरुको साझा संगठन नेपाल उद्योग वाणिज्य महासंघको ५४ औं साधारण सभा (नेतृत्व चयनको महाधिवेशन) कोरोनाका कारण अन्यौलमा परको छ।
चैत २८ र २९ गतेका लागि तय भएको साधरण सभा जेष्ठ ७ र ८ गत गर्ने गरी समय सारिएपनि उक्त समयमा हुने नसक्ने अवस्था सिर्जना भएको छ।
‘महासंघको साधरण सभा (नेतृत्व चयनको महाधिवेशन) यो आर्थिक वर्ष २०७६/०७७ भित्र सम्भव छैन,’ महासंघ एक कार्यसमिति सदस्यले भने, ‘कोरोनाका कारण सरकारले गरेको लकडाउन पूर्ण रुपमा खुल्ला भई सन्त्रास समेत अन्त्य नहुँदासम्म साधारण सभा संभव छैन।’
साधरण सभा हुने समय निश्चित नभएसँगै महासंघकी अध्यक्ष भवानी राणाको कार्याकाल भने लम्बिदै गएको छ।
समय सहज भएको भए नेपाल उद्योग वाणिज्य महासंघको अध्यक्षमा यतिखेर वर्तमान वरिष्ठ अध्यक्ष शेखर गोल्छा हुने थिए। तर, साधारण सभा रोकिएसँगै भवानीको कार्यकाल साउनसम्म पुग्ने निश्चित भइसेको छ।
महासंघको ५४ औं साधारण सभामा वरिष्ठ उपाध्यक्षका लागि व्यवसायी किशोर प्रधान र चन्द्र प्रसाद ढकालले उम्मेदवारी घोषणा गरिसकेका छन्।
साथै किशोरलाई भावी अध्यक्ष शेखर गोल्छा र निर्वतमान अध्यक्ष पशुपति मुरारकाको साथ छ भने ढकाललाई पूर्व अध्यक्ष चन्ढी ढकालको सहयोग रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791596882.png)
-1786602170.png)
-1791562069.png)
