काठमाडौं- मलेसियामा कोरोना भाइरस संक्रमित दुई नेपाली निको भएका छन्। संक्रमित ३ नेपाली मध्ये दुई जना निको भएको मलेसियाका लागि नेपाली राजदूत उदयराज पाण्डेले बताए।
‘दुई संक्रमित निको भएका छन्। एक जनाको अस्पतालमा उपचार भइरहेको छ,’ राजदूत पाण्डेले नेपाल लाइभसँग भने।
नेपाली श्रमिकहरुको प्रमुख गन्तव्य मुलुक मलेसियामा पछिल्लो समय कोरोना संक्रमण बढ्दै गएको छ। हालसम्म मलेसियामा ५ हजार ६ सय ३ जना कोरोनाबाट संक्रमित भएका छन्। ९५ जनाले ज्यान गुमाएका छन् भने ३ हजार ५ सयभन्दा बढी निको भएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
