काठमाडौं–सार्क क्षेत्रमा कोरोनाबाट सबैभन्दा बढी प्रभावित भारतमा २४ घण्टामा १ हजार भन्दाबढी मानिस संक्रमित भएका छन् भने २६ जनाको मृत्यु भएको छ। योसँगै भारतमा संक्रमितको संख्या १३ हजार ४ सय ३० पुगेको छ।४ सय ४८ जनाको मृत्यु भएको छ। १ हजार ७ सय ६८ जना निको भएर घर फर्किसकेका छन्।
पाकिस्तानमा संक्रमितको संख्या ६ हजार ९ सय १९ पुगेको छ भने १ सय २८ जनाको मृत्यु भएको छ। १ हजार ६ सय ४५ जना निको भएर घर फर्किसकेका छन्। पाकिस्तानमा एकै दिनमा १७ जनाको मृत्यु भएको छ भने ५ सयभन्दा बढी मानिस संक्रमित भएका छन्।
बंगलादेशमा १ हजार ५ सय ७२ संक्रमित भएका छन्। ६० जनाको मृत्यु भएको छ। ४९ जना निको भएर घर फर्किसकेका छन्। बंगलादेशमा एकै दिनमा १० जनाको मृत्यु भएको छ भने ३ सय भन्दाबढी मानिस संक्रमित भएका छन्।
अफगानिस्तानमा संक्रमितको संख्या ८ सय ४० पुगेको छ। ३० जनाको मृत्यु भएको छ। ४ जना निको भएर घर फर्किसकेका छन्। अफगानिस्तानमा एकै दिनमा ५ जनाको मृत्यु भएको छ भने ५६ जना संक्रमित भएका छन्।
श्रीलंकामा २ सय ३८ जना संक्रमित रहेका छन्। ७ जनाको मृत्यु भएको छ। ६८ जना मानिस निको भएर घर फर्किसकेका छन्।
माल्दिभ्समा संक्रमितको संख्या २५ पुगेको छ। निको भएर घर फर्किनेको संख्या १६ पुगेको छ।
भुटानमा ५ जना संक्रमित भएका छन्। २ जना निको भएर घर फर्किसकेका छन्।
नेपालमा संक्रमितको संख्या १६ पुगेको छ। एक जना निको भएर घर फर्किएका छन्।
जोन्स हप्किन्स युनिभर्सिटीको तथ्यांक अनुसार कोरोना भाइरसको संक्रमणबाट विश्वमा मृत्यु हुनेको संख्या १ लाख ४४ हजार २ सय ४३ पुगेको छ।
अमेरिकामा सबैभन्दा बढी मानिसको मृत्यु भएको छ। अमेरिकामा मृत्यु हुने संख्या ३४ हजारभन्दा बढी रहेको छ। २४ घण्टामा अमेरिकामा २ हजारभन्दा बढी मानिसको मृत्यु भएको छ।
विश्वमा २४ घण्टामा २९ हजारभन्दा बढी मानिस संक्रमित भएका छन्। विश्वमा २१ लाख ५८ हजार २ सय ५० जना संक्रमित भएका छन्। ६ देशमा १ लाख भन्दा बढी मानिस संक्रमित भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
