कलंकीमा औषधि किनेर फर्केकाहरूलाईलाठी बर्साउँदै प्रहरी। तस्बिरः हेल्थपाटी
काठमाडौं- लकडाउनका बेला प्रहरी ज्यादतीका घटना बढ्दै गएका छन्। लकडाउन शुुुुरुहुँदा वाहिर निस्कनेलाई सम्झाउने गर्दै आएको प्रहरी बुधबारदेखि उग्र देखिन थालेका छन्। ज्यादतीका घटना एक्ककासी बढेेेेको छ।
बुधबार बेलुका मात्र त्रिवि शिक्षण अस्पतालका डाक्टर पिटेको प्रहरीले बिहीबार बिहानै धरानका स्वास्थ्यकर्मी पिटेेेेको थियो। बिहीबार दिउँसो कलंकीमा अस्पताल गएर फर्किएका नागरिकमाथि लाठी वर्षायो।
साँझ सवा ५ बजेतिर कलंकी चोक र कलंकी मन्दिर बीचमा औषधि किनेर फर्किरहेका तीन जनालाई प्रहरीले लाठी हानेको भिडिओ भाइरल भएको छ।
औषधि किनेको भन्दाभन्दै प्रहरीले अभद्र व्यवहार गरेपछि उनीहरूले प्रहरीलाई 'तपाईंहरूले यस्तो गर्न पाउनुहुन्न' भनेका थिए।
उनीहरूले औषधि किनेको भिडियोमा नै देख्न सकिन्छ। दुई जना महिलाका साथमा रहेका एक पुरुषमाथि प्रहरीले लाठी भाँच्चिने गरी हानेका छन्।
सरकारले अत्यावश्यक सेवा सुचारु हुने गरी लकडाउन घोषणा गरेको समयमा औषधि किन्न नपाउनु र औषधि बोकेका नागरिकमाथि लाठी बर्षाउनु अमानवीय व्यवहार भएको भन्दै सामाजिक सञ्जालमा प्रहरीको तीव्र आलोचना भइरहेको छ। भिडियो हेर्न यहाँ क्लिक गर्नुहोस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
