एजेन्सी- कोरोना भाइरसको महामारीमा चिकित्सकहरु आफ्नो परिवारसँग टाढा रहेर काम गर्दै आएका छन्। उनीहरुले परिवारलाई कोरोना सर्नबाट जोगाउन अस्पताललाई नै क्वारेनटाइन बनाएका समाचारहरु आइरहेका छन्।
यसैगरी काम गरिरहेका भारत भोपालका एक डाक्टरले यस्तै नयाँ उपाय अबलम्वन गरेका छन्। भोपाल जयप्रकाश अस्पतालका डा सचिन नायकले आफ्नो कारमै घर बनाएका छन्। परिवारसँग भेट्न जाँदा कोरोना सर्ने जोखिमका बीचमा उनले आफू यात्रारत हुने कारलाई नै घरको रुपमा परिणत गरेर चलाएका हुन्। अहिले प्रशासनले उनलाई होटलमा राख्न थालेको छ। यसअघि घरमा रहेका आमा,पत्नी र बच्चाका लागि यस्तो निर्णय गरेका थिए।
परिवारसँग पर रहनु कति कठिन
‘यस्तो निर्णय गर्न जरुरी थियो किनकि हामी बाहिर धेरै संक्रमितसँग भेट गरेका हुन्छौं,परिवारलाई संक्रमणबाट बचाउने उपाय भनेको उनीहरुसँग अलग बस्ने नै हो‚’ डा सचिनले भने‚ ‘त्यसैले मैले एक हप्तासम्म आफ्नो गाडीलाई नै घर बनाए।’ यो गाडीमा उनले आफूलाई आवश्यक हुने सबै व्यवस्था गरेका थिए। उक्त कारमा उनले सधैं काम गर्ने ल्यापटप र केही अध्ययनका लागि किताब पनि राखेका थिए।
समय कटाउनका लागि उनले किताब कारमा राखेका थिए। यसरी कारमा रहँदा उनी परिवारसँग भिडियो कल मार्फत जोडिइरहेका थिए। उनी पहिलो पटक बुधबार सात दिन अस्पतालमा ड्युटी गरेर घर फर्केका थिए। यो समयमा उनी घर बाहिरबाटै आमा र पत्नीसँग भेटेर फर्केका थिए। उनले आफ्नी आमालाई घरबाट बाहिर ननिस्कन र आफ्नो चिन्ता नलिन भनेका थिए।
उनी घरभित्र नछिरी बाहिरबाटै एक कप पानी खाएर फर्केका थिए। ‘यो लामो लडाईं हो‚ त्यसैले सावधानी अपनाएर सबै मिलेर यसलाई जित्न जरुरी छ‚’ डा सचिनले भने। डा सचिनको यो शैलीलाई सबैले प्रशंसा गरेका छन्। मुख्यमन्त्री शिवराज सिंह चौहानले पनि उनको प्रशंसा गरेका छन्।
मुख्यमन्त्री शिवराज सिंह चौहानले डा नायकको फोटो सेयर गर्दै भने ‘यस्तै योद्धाको मद्दतले हामी कोरोनासँगको लडाईं जित्नेछौ।’ मुख्यमन्त्रीले भोपालका पूर्व मुख्य चिकित्सक डा सुधीर डेहरियाको एक तस्वीर पनि शेयर गरेका छन्। उनी पनि अस्पताल बसाइबाट पाँचौ दिनपछि घर पुगेका थिए। त्यसैले उनी घर बाहिर परिवारभन्दा पर बसेर चिया खाइरहेको तस्वीर सेयर गरेका थिए।
उनकी पत्नी र बच्चाहरु उनीभन्दा भिन्न ठाउँमा बसेर चिया पिइरहेका थिए। उनले परिवारसँग सोसल डिस्टेन्स कायम गरेका थिए। जसरी चिकित्सकहरु रातदिन खटिएका छन्‚ यसले देश र समाजका लागि उदाहारण प्रस्तुत गरेको भन्दै सबैतिर प्रशंसा भइरहेको छ।
भाजपाका राष्ट्रिय महासचिव कैलाश विजयवर्गीयले डा सचिनको फोटो सेयर गर्दै प्रशंसा गरेका छन्। इन्दोरमा एक डा शत्रुघ्न पञ्जवनीको कोरोना भाइरसबाट मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
