काठमाडौं- बिहीबार बसेको उच्चस्तरीय समितिको बैठकले शुक्रबार र शनिबारभित्र उपत्यकाबाहिर जान दिने निर्णय सर सर्वसाधारणलाई जान दिने निर्णय सरकारले नै खारेज गरेको छ। लकडाउन जारी रहेको अवस्थामा मानिसलाई उपत्यका बाहिर जान दिँदा भिडभाड बढ्ने भएको भन्दै विरोध भएपछि सरकार आफ्नै निर्णयमा २ घण्टा पनि बस्न नसकी खारेज गरेको हो।
कोभिड-१९’ रोकथाम तथा नियन्त्रण उच्चस्तरीय समन्वय समितिले एक विज्ञप्ति जारी गर्दै सो निर्णयबाट पछि हटेको बताएको हो। 'भोली र पर्सीकाठमाडौं प्रवेश गर्न नपाइने तर काठमाण्डौंबाट बाहिर जान भने खुला गर्ने निर्णय गरिएको' भन्ने समाचारप्रति समितिको ध्यानाकर्षण भएको छ। उक्त समाचारमा सत्यता नभएको जानकारी गराउँदछु,' ईश्वर पोखरेलद्वारा हस्ताक्षर गरिएको विज्ञप्तिमा भनिएको छ।
यसअघि नेपाल लाइभसँग कुराकानी गर्दै एक मन्त्रीले शुक्रबार र शनिबार काठमाडौंबाट घरफिर्ता हुन दिने विषयमा गृह मन्त्रालयमा छलफल समेत सुर भएको बताएका थिए।
काठमाडौंमा बसेर अध्ययनअध्यापन, विभिन्न पेशा व्यवस्था गर्दै आएका सर्वसाधरणलाई सम्बन्धित जिल्ला जान दिने निर्णय गरेको रक्षामन्त्री ईश्वर पोखरेलको सचिवालयले जनाएको थियो।
सबै यात्रुको लगत संकलन गरी बाहिर पठाउने व्यवस्था गर्न लागिएको थियो। को कहाँ जाने हो त्यसको सबै तथ्यांक लिएपछि सम्बन्धित स्थानीय तहमा पठाइने छ। धेरै मानिस रातीराती भागेर उपत्यका छोड्नेको लर्को लागेपछि सरकार यस्तो निर्णय गर्न बाध्य भएको बताइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752206955.png)
-1752043710.jpg)
-1749826086.png)
