काठमाडौं- राष्ट्रिय जनता पार्टी (राजपा)ले लकडाउनबाट आर्थिक रुपमा विपन्न, दलित, दैनिक ज्यालादारीमा गुजारा चलाउने परिवारलाई छाक टार्नै मुस्किल भएकाले अत्यावश्यक खाद्यान्न र राहतको व्यवस्था गर्न सुझाव दिएको छ।
आइतबार एक विज्ञप्ति प्रकाशित गर्दै राजपाले विपन्न परिवारका लागि विशेष ख्याल गर्न सरकारलाई आग्रह गरेको हो।
क्वारेटनाइनलाई अझ व्यवस्थित बनाई अत्यावश्यक उपभोग्य सामग्रीहरु वडास्तरमै आम नागरिकका लागि उपलब्ध गराउने वातावरण बनाउनसमेत राजपाले माग गरेको छ। कालो बजारी गर्ने जस्ता जघन्य अपराधलाई समेत नियन्त्रण गर्न सकिने भएकाले समेत यो आवश्यक भएको राजपाको ठहर छ।
भारतलगायत अन्य मुलुक हुँदै नेपाल आएका मानिसबाट समेत संक्रमण फैलिनसक्ने भएकाले सबैको वडास्तरसम्म यकिन गरी क्वारेन्टाइनमा राख्न राजपाको सुझाव छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_aDpltwY0rK-1782355389.webp)
-1764146706.png)
-1783138530.png)
