काठमाडौं–विश्वभर कोरोना भाइरस (कोभिड–१९)को महामारी तीव्र गतिमा फैलिइरहेको छ। यसले न कुनै सीमा चिनेको छ, न त कुनै व्यक्ति नै। कोरोनाबाट संक्रमित हुनेहरु सामान्य मान्छेदेखि चर्चित र शक्तिशाली अनुहारसम्म छन् ।
यो सामग्रीमा कोरोना संक्रमित हुने चर्चित राजनीतिज्ञ, कलाकारदेखि खेलाडीसम्म समेटिएको छ ।
युवराज चार्ल्स
कोरोना संक्रमित विश्वभरका ६ लाखमध्ये बेलायती युवराज चार्ल्स पनि एक हुन्। ७१ वर्षीय चाल्र्सको परीक्षण रिपोर्ट बुधबार ‘पोजेटिभ’ आएको थियो । उनलाई कोरोनाको मध्यम लक्ष्ण देखिएको भए पनि स्वास्थ्य राम्रो भएको बताइएको । उनकी पत्नि डचेज अफ कर्नवेललाई भने कोरोना भाइरस देखिएको छैन। युवराज चार्ल्सकी आमा एलिजाबेथ द्वितियाको स्वास्थ्य राम्रो रहेको बकिङघम दरबारले जनाएको छ।
बेलायती प्रधानमन्त्री बोरिस जोन्सन
बेलायती प्रधानमन्त्री बोरिस जोन्सन पनि पनि कोरोना संक्रमित भएका छन्। शुक्रबार उनलाई कोरोना भएको घोषणा गरिएको हो।
ज्वरो आउने र लगातार खोकी लाग्ने भएपछि उनका प्रमुख मेडिकल सल्लाहकारले कोरोना परीक्षण गर्न सुझाएका थिए। परीक्षणबाट उनी कोरोना भाइरस संक्रमित भएको थाहा लागेको थियो ।
‘म घरबाटै काम गरिरहेको छु, म आफैंलाई अलग–थलग गरिरहेको छु र पूर्णतः ठीक कुरा हो,’ भिडियो सन्देश जारी गर्दै उनले भनेका छन्, ‘तर, यसमा केही सन्देह छैन कि काम जारी राख्न सक्छु, धन्यवाद आधुनिक प्रविधिको चमत्कारका लागि, कोरोना भाइरसविरुद्ध राष्ट्रिय लडाइँको नतृत्व गर्नका लागि मेरो सबै शीर्ष टीमको साथ संवादका लागि ।’
बेलायती स्वास्थ्यमन्त्री म्याट हङ्क
बेलायती प्रधामनन्त्री म्याट हङ्कलाई पनि कोरोना संक्रमण भएको छ।
अमेरिकी सिनेटर र्यान्ड पौल
अमेरिकी सिनेटर र्यान्ड पौल कोरोना संक्रमित हुने पहिलो सिनेटर र तेस्रो संसद सदस्य बनेका छन्। वासिङटनस्थित उनको कार्यालय १० दिनअघि नै ‘भर्चुअल्ली' सञ्चालन भएकाले उनको सम्पर्कमा कोही पनि नआएको बताइएको छ।
अस्ट्रेलियन गृहमन्त्री पीटर डटन
अस्पताल भर्ना भएपछि अस्ट्रेलियाका प्रधानमन्त्री पीटर डटनलाई कोरोना भाइरसको संक्रमण भएको थियो। उनी वासिङटनबाट अमेरिकी महान्याधिवक्ता विलियम बार, अमेरिकी राष्ट्रपति ट्रम्पकी छोरी इभान्का र ह्वाइट हाउसका अन्य अधिकारीलाई भेटेर फर्किएका थिए।
ब्राजिलका राष्ट्रिय सुरक्षा सल्लाकार अगस्टो हेलनो
ब्राजिलका राष्ट्रिय सुरक्षा सल्लाहाकार अगस्टो हेलनोलाई कुनै लक्षण नदेखिँदा पनि कोरोना संक्रमण भएको पुष्टि भएको थियो।
क्यानेडाका प्रधानमन्त्रीकी पत्नि
क्यानडाका प्रधानमन्त्री जस्टिन ट्रुडोकी पत्नि सोफी ट्रुडोलाई कोरोना संक्रमण भएको छ। बेलायतबाट फर्किएको केही दिनपछि उनलाई कोरोना संक्रमण भएको थाहा भएको थियो । उनी र उनका श्रीमान् १४ दिन स्वयं सेल्फ क्वारेन्टाइनमा गएका थिए।
फ्रान्सका संस्कृति मन्त्री
फ्रान्सका संस्कृति मन्त्री फ्र्याङ्क रिस्टरलाई मार्चको सुरुमै कोरोना भाइरसको संक्रमण भएको थियो। कोरोना भाइरस संक्रमित हुने उनी पहिलो सरकारी मन्त्री बनेका थिए।
इजरायली कूटनीतिज्ञ
जर्मनीका लागि इजरायली राजदूत जेरेमी इसारोफलाई जर्मनमा एक भेटपछि कोरोना संक्रमण भएको पुष्टि भएको थियो। ती सांसदको नाम अहिलेसम्म सार्वजनिक गरिएको छैन।
कलाकार
इदरीस एल्बा
कलाकार इदरीस एल्बाले गत मार्च १६ मा आफूलाई कोरोना संक्रमण भएको भिडियो सामाजिक सञ्जालमा राखेका थिए।
‘सुन्नुहोस म ठीकै गरिरहेको छु,’ श्रीमतीसहित भिडियोमा देखिएका उनले भनेका थिए, ‘मलाई कुनै पनि लक्षण देखिएको छैन।’ पछि उनकी श्रीमतीलाई पनि कोरोना संक्रमण भएको थियो।
टोम ह्याङ्क्स र रिता विल्सन
‘दी एकेडेमी अवार्ड’ .विजेता कलाकार र उनकी श्रीमती दुवैलाई कोरोना भाइरसको संक्रमण भएको थियो। ६३ वर्षीय दम्पति अस्ट्रेलियामा रहेका बेला कोरोना भाइरसको संक्रमण भएको हो।
प्लासिडो डोमिङ्गो
७३ वर्षीया ओपेरा स्टारले आफूलाई कोरोना भाइरसको संक्रमण भएको फेसबुकमार्फत् सार्वजनिक गरेका थिए। गत मार्च २२ मा उनले फेसवुकमा लेखेका थिए, ‘मलाई कोरोना भाइरसको संक्रमण भएको घोषणा गर्नु आफ्नो कर्तव्य ठानेँ।’ ज्वरो र खोकी देखिएपछि उनले कोरानाको परीक्षण गर्ने निर्णय गरेका थिए ।
क्रिस्टोफर हिवु
चर्चित टेलिशृंखला ‘गेम अफ थ्रोन’का कलाकार क्रिस्टोफर हिबुले गत मार्च १६ मा आफूलाई कोरोना संक्रमण भएको र परिवारसहित सेल्फ आइसोलेसनमा बसेको जानकारी इन्स्ट्राग्राममा राखेका थिए।
‘हाम्रो स्वास्थ्य राम्रो छ, मलाई केवल कोरोनाको मध्यमखाले लक्षण देखिएको छ,’ उनले भनेको थिए ।
ओल्गा कुरलेंगोे
सन् २००८ को ‘क्वान्टाम अफ सोलिस’ फिल्मकी एक पात्र जेम्स बोन्डका लागि चर्चित उनले गत मार्च १५ मा आफूलाई कोरोना भाइरसको संक्रमण भएको जानकारी इन्स्ट्राग्राममा राखेकी थिइन । ‘ज्वरो र थकाइ मेरा मुख्य लक्षण हुन,’ उनले लेखेकी छिन्।
टेरेन्स म्याकनेली
चार पटक टोनी अवार्ड जित्न सफल नाटकका लेखक उनको गत मार्च २४ मा कोरोना भाइरसका कारण मृत्यु भएको थियो । ८१ वर्षीय उनले धेरै नाटक लेखेका छन् ।
डेनियल डे किम
टेलिभिजन कलाकार डेनियल डे किमले गत मार्च १९ आफूलाई कोरोना भाइरसको संक्रमण भएको जानकारी इन्स्टाग्राममार्फत् गराएका थिए।
ज्याक्सन ब्राउन
गीतकार ज्याक्सन ब्राउनलाई कोरोना भाइरसको संक्रमण भएको छ। उनले आफूलाई ज्वरो र खोकी लागेको बताएका थिए।
खेलाडी
केलम हड्सन ओडीइ
चेल्सीका फुटबलर केलम हड्सन ओडीईले इन्स्टाग्राममार्फत् आफूलाई कोरोना संक्रमण भएको जानकारी दिएका थिए। कोरोनाबाट निको भए पनि आफूले स्वास्थ्य निर्देशिका पालना गर्दै अरुबाट आफू एकान्तमा रहेको उनले बताएका थिए।
रुन्डी गोर्बट र डोनोवन मिशेल
उनीहरु दुवै जनालाई कोरोना भाइरस संक्रमण भएको थियो। उनीहरुले आफ्नो स्वास्थ्यप्रति हेलचेक्र्याइँ गर्न नहुने बताएका छन् ।
सीन पेटन
प्रशिक्षक सीन पेटनलाई गत मार्च १९ मा कोरोना संक्रमण भएको थियो। उनले स्वास्थ्य विशेषज्ञका कुरा सुन्न आग्रह गरेका छन्।
जेसन कालिन्स
बास्केटबल खेलाडी जेसन कालिन्सले गत मार्च २४ मा ट्वीटरमार्फत् आफूलाई कोरोना भाइरसको संक्रमण भएको जानकारी गराएका थिए। गत मार्चमा न्युयोर्क यात्रामा आफूलाई कोरोना संक्रमण भएको उनको विश्वास छ। सुरुमा टाउको दुख्ने र पछि ज्वरो र खोकीको लक्षण उनलाई देखिएको थियो। (एजेन्सीको सहयोगमा)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
