काठमाडौं- लकडाउनपछि नेपालका विभिन्न जिल्लामा अलपत्र परेका ३०७ विदेशी पर्यटकको उद्धार गरी स्वदेश फिर्ता गरिएको छ।
गृहमन्त्रालयका अनुसार मुस्ताङ, कास्की, सोलुखुम्बुलगायतका जिल्लाहरुबाट ३०७ विदेशी पर्यटकको उद्धार गरी स्वदेश फिर्ता गरिएका हो। उनीहरुलाई संस्कृति, पर्यटन तथा नागरिक उड्डयन मन्त्रालयको समन्वयमा हवाई तथा स्थल सवारी साधनहरु मार्फत बिहीबारदेखि उद्धार सुरु गरिएको हो।
विभिन्न जिल्लाबाट उद्धार गरी ल्याइएका ३०७ जना विदेशी पर्यटकहरुलाई जर्मन दूतावासले व्यवस्थापन गरेको कतार एयरवेजको विमान मार्फत शुक्रबार नै स्वदेश पठाएको गृहले जानकारी दियो। यस्तै अलपत्रमाम परेका अन्य विदेशी पर्यटकको पनि उद्धारको कार्य भइरेको मन्त्रालयले जनाएको छ।
यस्तै विभिन्न स्थानमा अलपत्र परेका श्रमिक तथा मजदुरको पनि उद्धार गर्न गृहमन्त्रालयले निर्देशन दिएको छ। मन्त्रालयद्वारा जारी विज्ञप्तिमा भनिएको छ, ‘विभिन्न निर्माणसम्बन्धी कार्यहरु रोकिएका कारण कामदारको रुपमा कार्य गरिरहेका र हाल अलपत्र परेका नेपाली नागरिकहरुलाई आफ्नो आफ्नो गृह जिल्लासम्म उद्धार गरी पुर्याइदिन स्थानीय प्रशासन र सुरक्षाकर्मीहरुलाई निर्देशन गरेका छौं।’
हालसम्म रुपन्देही, बाँके, लमजुङ, पर्वत, कास्की, स्याङ्जा, दैलेख, तेह्रथुमलगायतका जिल्लाबाट उद्धार भइसकेको छ भने अन्य जिल्लाहरुमा त्यस्ता अलपत्र परेका नागरिकहरु भए उद्धार गर्ने कार्यमा समन्वय गर्न मन्त्रालयले निर्देशन दिएको जनाएको छ।
त्यसैगरी काठमाण्डौं उपत्यकाको फोहोर विसर्जन गर्ने स्थल नुवाकोट ओखरपौवामा केही समस्याहरु देखिएकोमा काठमाण्डौं महानगरपालिकाका प्रमुख समेतको उपस्थितिमा मन्त्रालयमा शुक्रबार छलफल भएको गहृले उल्लेख गरेको छ।
समस्या समाधानको लागि महानगरपालिकाले स्थानीय तहहरुसँग आवश्यक समन्वय गरी बाधा‚अवरोध हटाउने र फोहोरमैला विसर्जन गर्ने कार्यलाई सुचारु गराउनका लागि स्थानीय प्रशासन र सुरक्षा निकायहरुले आवश्यकताअनुसार सुरक्षा व्यवस्था मिलाउने निर्णय गरिएको छ।
साथै शुक्रबार नै सुरक्षा निकायका प्रमुखहरुसँग बैठक बसी मालबाहक सवारी साधनको आवागमनका विषयमा देखिएको द्विविधा अन्त्य गर्न औषधी, खाद्यवस्तु, पानी, दुध, फलफुल, तरकारी, पशुपंक्षी र माछाको दाना, कुखुराको चल्ला ढुवानी गर्ने र फर्केर जाने सवारी साधनलाई सुचारु गर्ने, यस्ता सवारी साधनले यात्रु ओसारपसार गर्न नपाउने गरी कार्यान्वयन गर्न स्थानीय स्तरमा खटिएका सुरक्षाकर्मीलाई ड्युटीमा खटिनुभन्दा अगाडी दैनिक रुपमा जानकारी गराउन समेत निर्देशन दिइएको मन्त्रालयले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755124.jpg)
-1786602170.png)
-1786513116.png)
