मैले फेसबुकमा कोरोना लागेको पोस्ट गर्दा तपाईंहरुले देखाउनुभएको सदभावका लागि धन्यवाद। म पूर्ण रुपमा निको भइसकेको त छैन। अहिले पनि एन्टिबायोटिक खाइरहेको छु। अझै ३–४ दिन बाँकी छ। अहिले धेरै सुधार भएको अनुभव गरेको छु।
यो रोग कसरी लाग्छ भनेर थाहै नहुने रहेछ। म पनि कामको सिलसिलामा सामान्य रुपमा जाने आउने गर्दा कतिखेर लाग्यो थाहै भएन। मलाई १०, ११ दिनमा यति धेरै ज्वरो आउने, टाउको दुख्ने भयो कि, सिटामोल खाने, एक्लै बस्ने गरियो।
धैरै गार्हो भएपछि अस्पताल पुगेर जचाउँदा पोजेटिभ देखियो। त्यसपछि अस्पताल भर्ना गरेर चार–पाँच दिन राखियो। त्यसपछि चिकित्सकले अब घर गएर आराम गर्दा हुन्छ भनेर पठाएपछि म घरमा आएको छु ।
अहिले घरमा हामी अलग–अलग बसेका छौं। म छुट्टै बसेको छु, हामी ६ फिटभन्दा नजिक कोही हुँदैनौ। अझै पनि सावधानी अपनाउनुपर्ने धेरै छ।
हामी हात धुनेमात्र भन्छौं। यो निक्कै महत्वपूर्ण छ। हात राम्ररी २० सेकेन्डसम्म धुनुहोला। आफ्नो हातले आँखा, मुख, नाक नछुनुहोला। नाक र मुख आँखाबाट चाँडो शरीरभित्र छिर्ने रहेछ। सकेसम्म घरबाट ननिस्कनुहोला। भीडमा नजानुहोला।
यसले यति धेरे पीडा दिन्छ भन्ने त मैले अनुभव गरेको कुरा हो।
सरकारले दिएको गाइडलाइन एकदमै पूर्ण रुपमा पालना गर्नुहोला। नत्र यसपछि धेरै महंगो मूल्य चुकाउनु पर्नेछ।
(लण्डनमा रहेकी रानाभाटले सामाजिक सञ्जालमा व्यक्त गरेको विचार उनको आफ्नै शब्दमा प्रस्तुत गरिएको हो)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
