एजेन्सी–अमेरिकी राष्ट्रपति डोनाल्ड ट्रम्पले ट्वीट गर्दै कोरोना भाइरसलाई चिनियाँ भनेपछि चीनले आपत्ति जनाएको छ।
चिनियाँ विदेश मन्त्रालयका प्रवक्ताले अमेरिकालाई चेतावनी दिँदै चीनलाई गाली दिनुभन्दा पहिले आफ्नो काममा ध्यान दिन आग्रह गरे।
कोरोना भाइरस (कोभिड–१९)को पहिलो बिरामी सन् २०१९ को अन्तिममा चीनको उहान सहरमा पाइएको थियो। तर, गत साता चिनियाँ विदेश मन्त्रालयले कोरोना भाइरसलाई एक षडयन्त्र बताउँदै अमेरिकी सेनाले उक्त भाइरस आफ्नो क्षेत्रमा ल्याएको दाबी गरेका थिए।
यसबारे प्रतिक्रिया दिँदै अमेरिकी विदेशमन्त्री माइक पोम्पियोले चीनले गलत सूचना फैलाएको बताएका थिए।
विश्वभर कोरोना भाइरस संक्रमितको संख्या २ लाख नाघेको छ, जसमध्ये ८० हजारभन्दा बढी चिनियाँ छन्। चीनले कोरोना भाइरसको नयाँ संक्रमण शून्यमा झरेको घोषणा गरेको छ।
अमेरिकी राष्ट्रपति ट्रम्पले सोमबार एक ट्वीट गर्दै कोभिड–१९ भाइरसलाई ‘चिनियाँ भाइरस’ भनेका थिए। यसैप्रति चिनियाँ विदेश मन्त्रालयले आपत्ति जनाएको हो।
चीनको विरोधका बावजुद पनि अमेरिकी राष्ट्रपतिले यसलाई ‘चिनियाँ भाइरस’ भनिरहेका छन्। केही समय पहिले गरेको ट्वीटमा पनिउनले त्यसलाई चिनियाँ भाइरस नै भनेका थिए।
विश्व स्वास्थ्य संगठन (डब्ल्युएचओ)ले यस भाइरसलाई कुनै खास समूह या क्षेत्रसँग जोड्नु गलत भएको बताएको छ। तर, कैयौं अमेरिकी प्रशासनिक अधिकारी यसलाई चिनियाँ भाइरस नै भनिरहेका छन्। पोम्पियोले पनि कैयौं पटक यसलाई ‘उहान भाइरस’ भनिसकेका छन्।
चिनियाँ विदेश मन्त्रालयका प्रवक्ता गेङ शुआङ्गले ट्रम्पको ट्वीटलाई ‘चीनमाथि दोषारोपण’ गर्ने खालको भएको बताएका थिए । उनले भनेका थिए, ‘अमेरिकाले आफ्नो गल्ती सुधार गरोस् र चीनविरुद्धका आधारहीन आरोप रोकोस् भन्ने म अमेरिकासँग आग्रह गर्न चाहन्छु ।’
चीनको सरकारी समाचार एजेन्सी सिन्ह्वाले ट्रम्पको भाषा ‘नस्लवादी र भेदभावपूर्ण’ भएको र यसले ‘राजनेताको गैरजिम्मेवार र अक्षमता’ देखाउँछ । यो भाइरसलाई लिएर त्रास बढाउने खालको भएको बताएको छ।
ट्रम्पको अमेरिकामा पनि आलोचना भइरहेको छ। न्युयोर्कका मेयर बिल डी ब्लासियोले ट्वीट गर्दै यो टिप्पणीले एसिया–अमेरिकाविरुद्ध ‘कट्टरतालाई बढाउने’ खतरा रहेको बताएका छन् ।
अमेरिका लगाइरहन्छ आरोप
कोरोना भाइरसको शुरुवातलाई लिएर चीनकातर्फबाट नयाँ ‘थ्योरी’ आइरहेको छ। चिनियाँ विदेश मन्त्रालयका एक प्रवक्ताले गत अक्टुबरमा उहानमा आएका अमेरिकी सैनिकमार्फत् कोरोना फैलिएको दाबी गरेका थिए।
तर, यो थ्योरीलाई प्रमाणित गर्ने कुनै पनि प्रमाण दिइएको छैन। कोरोना भाइरसलाई लिएर पहिले पनि धेरै अप्रमाणित धेरै कुरा गरिएको छ।
यसभन्दा पहिले अमेरिकी सिनेटर टम काटले आशंका जनाउँदै भनेका थिए, ‘कोरोना भाइरस चीनको जैविक हतियार र यो उहानको प्रयोगशालामा विकसित गरिएको हुनसक्ने सम्भावना छ।’
उनले भनेका थिए, ‘यो रोग यही उत्पन्न भएको हामीसँग कुनै प्रमाण छैन। तर, यसलाई लिएर सुरुवातदेखि नै चीनको जुन रबैया र छलको भावना छ, त्यसलाई देख्दा एउटा प्रश्न उठ्छ कि प्रमाणले के भन्छन् र ती प्रश्नमाथि चीनले कुनै प्रमाण दिइरहेको छैन। ’
जब मिडियामा जैविक हतियारको दावी भयो
अन्तर्राष्ट्रिय मिडियाका केही रिपोर्टले कोरोना भाइरसलाई चीनको जैविक हतियार बनाउने कोसिसमाथि जोड दिएका थिए । द डेली मेल र वासिङटन पोष्टले कोरोना भाइरस चीनको जैविक युद्ध कार्यक्रम (बायो वारफेयर प्रोग्राम)को एक हिंस्सा भएको रिपोर्ट छापेका थिए ।
गत महिना वासिङटन टाइम्सका संवाददाता बिल गेर्टजले एक रेडियो शो ‘वार रुम ः पेन्डेमिक’ मा स्टीफन केविन बेनन्लाई पाहुनाका रुपमा बोलाएका थिए जसमा उनले चीनले जैविक युद्ध कार्यक्रमअन्तर्गत एक भाइरस बनाइरहेको संकेत दिएका थिए ।
फक्स न्युजले पनि यही थ्योरीलाई उल्लेख गर्यो र यसलाई बढाउने काम ग¥यो। एक आलेखमा फक्सले सन् १९८० को दशकमा लेखिएको एक किताबको नाम लिँदै त्यहाँ कारोना भाइरसको अनुमान गरिएको बताइएको थियो। यो किताबमा जैविक हतियार बनाउने चिनियाँ सेनाका बारेमा उल्लेख गरिएको बताइएको छ।
कस्तो छ अमेरिका–चीन सम्बन्ध?
यतिबेला दुवै देशको सम्बन्ध तनावपूर्ण बनेको छ । राष्ट्रपति ट्रम्प लगातार चीनमाथि अनुचित व्यापारिक व्यवहार तथा बौद्धिक सम्पदा चोरीको आरोप लगाइरहेका छन्।
चीनमा भने अमेरिकाले आफूलाई विश्वआर्थिक शक्ति बन्नबाट रोक्ने कोसिस गरिरहेको भन्ने आमधारणा छ ।
तिखो व्यापार युद्धमा लागेका दुवै देशले एक–अर्काविरुद्ध अर्बौं डलरको सामानमाथि सीमाशुल्क लगाइदिएका छन् ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
