काठमाडौं- कोरोना भाइरस जोखिम न्यूनीकरणका लागि भिसा र श्रम स्वीकृत बन्द गरेपछि अन्तर्राष्ट्रिय उडान भर्दै आएका वायुसेवा कम्पनीले नेपाल उडान बन्द तथा कटौती गर्न थालेका छन्। उडान बन्द तथा कटौती गर्ने वायुसेवा कम्पनीमा स्वदेशीदेखि विदेशीसम्म छन्।
बुधबार मात्रै हिमालय एयरलाइन्सले ढाका उडान तत्काल स्थगित गरेको सूचना प्रकाशन गरेको छ। मंगलबार मात्रै नेपाल एयरलायन्सले मलेसिया उडान बन्द गरेको सूचना प्रकाशन गरेको थियो।
एयरलाइन्स कम्पनीको उडान बन्द भएसँगै विमानस्थल कार्यालयले आम्दानी समेत गुमाएको छ। नेपाल एयरलाइन्सले ग्राउन्ड ह्यान्डलिङबाट गर्दै आएको वार्षिक ५ अर्बभन्दा बढी आम्दानी समेत गुम्ने भएको छ।
उडान बन्द र कटौती गर्ने एयरलाइन्स
हिमालय एयरलाइन्स- चीनको ४ गन्तव्य, कतार, मलेसिया र ढाका बन्द, दुबईका हकमा भने मार्च २७ देखि १० अप्रिलसम्मको उडान रद्द गरेको छ।
नेपाल एयरलाइन्स- कतार, मलेसिया, बैंकक, बैंलोर, मुब्बईमा उडान रद्द। दिल्लीका दैनिक दुई उडान कटौती गरी १ उडान कायम। दुबईका साता वटै उडान र जापानको नारिता सातामा ३ वटा उडान गरिरहेको छ।
- बुद्ध एयरलाइन्स– भारतको वाराणासी उडान स्थगित
- तिब्बत एयरलाइन्स– सबै उडान स्थगित
- टासी एयरलाइन्स– भूटानको पारोमा ३ उडान गर्दै आएकोमा मार्च १३, १६ र १८ को उडान रद्द
- कतार एयरवेज- २२ देखि ३१ मार्चसम्मका सबै उडान बन्द
- सिचुवान- ३१ मार्चसम्मका सबै उडान बन्द
- कोरियन एयर– सातामा एक मात्रै उडान, साताका ३ उडान रद्द
- जजिरा– सबै उडान बन्द
- ड्रार्गन– अप्रिल ३० सम्मका सबै उडान रद्द
- चाइन साउथन– २८ मार्चसम्मका सबै उडान बन्द
- चाइना इस्टर्न– १८, २२, २३ र २७ मार्चसम्मका उडान बन्द
- विमान बंगलादेश– १९ र २२ मार्च बाहेक २८ मार्चसम्मका सबै उडान रद्द
- एयर इन्डिया– २८ मार्चसम्मका सबै उडान बन्द
- एयर चाइन– सातामा एक उडान बुधबार मात्रै संचालनमा, २८ मार्चसम्मका सबै बन्द
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
