एजेन्सी- कोरोना भाइरसको खतरा बढ्दै गएसँगै खाद्यान्न र अत्यावश्यक सामाग्रीको जोहो गर्नेहरु विश्वभरि बढेका छन्। मानिसहरू अलग अलग तरिकाले यसको जोहोमा लागेका छन्।
कुनै पनि आपत्तिबाट बच्नका लागि मानिसहरुले अनेक उपाय लगाइरहेका छन्। हाल चलिरहेको कोरोना भाइरसको विपत्तिबाट बच्न बेलायतमा मानिसहरू घरमा सामान थुपार्न थालेका छन्।
उनीहरु यसरी बजार जादाँ धेरै सामानहरू खरिद गरेर ल्याउने काम गरिरहेका छन्। तर‚ सुपरमार्केटले भने मानिसहरूको हतारो र डरका कारण बजारमा खाद्यान्न अभाव भइरहेको छ। मानिसहरुले आफ्नो आवश्यकताको वस्तु पाउन सकिरहेका छैनन्।
मानिसहरूको अधिक खरिद गर्ने बानीका कारण सुपरमार्केटहरुले सूचना नै जारी गरेर आवश्यकताभन्दा धेरै खरिद नगर्न भनिरहेको छ। कोरोना भाइरसको त्रासलाई देखेर घरमा अनावश्यक सामाग्रीहरु जम्मा नगर्न उनीहरुको सूचनामा भनिएको छ। बेलायतको खुद्रा विक्रेताले ग्राहकलाई समझदारीसँग खरिद गर्न र कसैको अनावश्यक खरिदले अन्यको अत्यावश्यक वस्तुको अभाव नहोस् कुरामा ख्याल गर्न आग्रह गरेको छ।
उसले यस्तो अवस्थामा सबैले मिलेमा पर्याप्त समान पाइने पनि भनेको छ। उसले सरकार र खुद्रा व्यापारी मिलेर काम गरिरहेकाले पनि हतारमा धेरै खरिद गर्ने कार्य नगर्न आग्रह गरेको छ।
आफैं खाली हुँदैछन् स्टोरहरू
उसले ग्राहकको आवश्यकता सम्झने तर एक व्यक्तिले धेरै खरिद गर्दा अन्यलाई अत्यावश्यक वस्तु नपाई खाली हात पर्खनुपर्ने कुरा ख्याल गर्न भनेको छ।
सेन्सबरीले पनि प्रत्येक ग्राहकलाई इमेल र सार्वजनिक सूचनामा यही कुरा उल्लेख गरेको छ।
मानिसहरुले धेरै सामान लैजान थालेपछि सिमा तोकिएको छ। ट्वाइलेट पेपर ह्यान्ड सेनिटाइजर, पास्ता र डिब्बामा बन्द तयारी खानाहरुको माग धेरै रहेको छ। तर त्यसको तुलनामा आपूर्ति कम हुँदै आएको छ।
तर ग्राहकहरुले भए भएर सबै आफैं लाने प्रवृत्ति देखाएपछि केही सुपरमार्केटहरुले सामान खरिदमा सीमित कोटा लागू गरेका छन्। उनीहरुले धेरै मानिसलाई पुगोस् भनेर हर ग्राहकलाई चारदेखि पाँच प्याकेट दिने सूचना जारी गरेका छन्।
रातभर डेलिभरी
यही समस्यालाई ध्यानमा राखेर बेलायतका प्रधानमन्त्री बोरिस जोनसनले आम नागरिकमा अपिल समेत गरेका छन्। आवश्यकताभन्दा धेरै सामानहरुको खरिद नगरी जिम्मेवारीपन देखाउन उनले नागरिकसँग आग्रह गरेका हुन्। यसअघि डिपार्टमेन्टहरुलाई रातमा ग्राहकको डेलिभरी गर्न रोक लगाइएको थियो तर अहिले यसलाई खुल्ला गरिएको छ।
छिटोभन्दा छिटो गोदामबाट सामान पसलमा पुर्याउन सकियोस् भन्ने उद्देश्यले यस्तो पावन्दी खुल्ला गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
