[null,null]
काठमाडौं- अर्थमन्त्री डा युवराज खतिवडाले सेयर बजारलाई पुँजीपतिले सेयर कारोबार गर्ने थलोको रुपमा मात्रै बुझ्न नहुने बताएका छन्। संसदमा धितोपत्र बिधयेकमाथि उठेका प्रश्नको जवाफ दिँदै अर्थमन्त्री खतिवडाले सरकारले गरेका नीतिगत सुधारले पुँजी बजारसम्म जनताको पहुँच स्थापित गरेको बताए।
सरकारले गरेको नीतिगत सुधारले थोरै थोरै भए सेयर हाल्न चाहनेका लागि सेयरमा लगानी गर्ने अवसर मिलेको उल्लेख गरेका छन्। मन्त्री खतिवडाले भने, 'थोरै भए पनि कुनै कम्पनीको मालिक बन्न सकुन् भन्ने उद्देश्यले कानुनी प्रबन्ध गरिएको छ, यसले जनतालाई अन्य क्षेत्रसँगै कुनै कम्पनीको स्वमित्व पनि दिन्छ।'
मन्त्री खतिवडाले नियमनकारी निकायलाई बजारको सिद्धान्तअनुसार धितोपत्र बजारलाई प्रतिस्पर्धात्मक र कानुनसम्मत सञ्चालन गराउने गरी अधिकार दिइएको उल्लेख गरे। उनले नियमनकारी निकायले प्रणाली नियन्त्रण गर्ने नभइ नियमन मात्रै गर्ने बताए।
'सामान्य भन्दा सामान्य व्यक्तिलाई सेयर बजारमा पुर्याउन राज्यले सहयोग गरिरहेको छ,' उनले भने, 'जलविद्युत कम्पनीमा लगानीमा आकर्षण बढेको छ, लघुवित्त संस्थाबाट ऋण लिएर भए पनि सेयर किन्ने व्यवस्थाले पुँजी बजारसम्म पहुँच पुर्याएको छ।'
मन्त्री खतिवडाले व्यक्ति हेरेर नभइ कम्पनीको अवस्था बुझेर सेयरमा लगानी गर्नुपर्ने बताए। 'व्यक्ति हेरेर होइन विधि र नीति हेरेर सेयर लगानी गर्नुपर्छ,' उनले भने, 'कोरोना भाइरसका कारण अहिले केही उथलपुथल आएको छ, यसलाई हेरेर दीर्घकालीन् सोच बनाउनु हुँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1766648928.png)
