काठमाडौं– नेपाल कम्युनिष्ट पार्टी(नेकपा)को अग्नि सापकोटालाई सभामुख बनाउने निर्णयको सामाजिक सञ्जालमा तीव्र आलोचना भइरहेको छ। उनी विरुद्ध काभ्रेका अर्जुन लामा हत्या आरोपको मुद्दा संवैधानिक इजलासमा रहेको भन्दै आलोचना र व्यंग्यात्मक टिप्पणीहरु सामाजिक सञ्जालमा गरिएका छन्।
उनलाई सभामुख बनाउने निर्णय विरोध गर्दै अधिवक्ता सन्तोष सिग्देलले बलात्कारको आरोप लागेपछि हटाइएको व्यक्तिको पदपूर्ति हत्या आरोपीबाट गरिएको उल्लेख गरेका छन्। उनी लेख्छन्, ‘अजब देशको गजब पाराः बलात्कारको आरोप लगाएर हटाएको व्यक्तिको पदपूर्ति गर्न हत्या आरोप लागेको व्यक्तिमा सहमति । ओई, कोही आओ न, मेरो देशमा मात्र लागू हुने विधीको शासनको परिभाषा गरिदेओ।’
मिडिया उद्यमी कनकमणि दिक्षितले नेपालीको स्वभिमान, नेपाल राष्ट्रको अन्तराषर््िट्र अहम्, आम नागरिकको शान्तिपूर्ण राजनीति प्रतिको प्रमाणित लगाव र निरन्तर विह्वल द्वन्द्वपीडितहरुको सम्वेदनशीलता लत्याउँदै नेकपाले निर्णय लिएको बताएका छन्। उनले सभामुखका उम्मेदवार सापकोटा विरुद्ध सर्वोच्च अदालतमा मुद्दा समेत दायर गरेका छन्।
द्वन्द्वपीडित सुमन अधिकारीले उनी विरुद्ध मुद्दा विचाराधीन रहेको सम्झाएका छन् । उनी माओवादीद्वारा मारिएका मुक्तिनाथ अधिकारी छोरा हुन्।
पत्रकार फणिन्द्र संगम द्वन्द्वकालिन ज्यान मुद्दामा डामिएको व्यक्ति सभामुख बनिरहेको भन्दै व्यंग्य गर्छन्, ‘द्वन्द्वकालिन ज्यान मुद्दामा डामिएका अग्नि सभाकोटा सभामुख बन्दै, पाँच हजार मारेको खुलेआमा स्वीकार्ने अध्यक्ष ।’ उनी हालै कुमार नगरकोटीले लेखेको कथासँग यसलाई जोड्दै ठट्टा गर्छन्, ‘नगरकोटीको भेटमा कार्ल माक्र्स भन्ने थालेका छन्– मलाई माक्र्सवादीहरुसित निकै डर लाग्न थालेको छ।’
यसैगरी केही नागरिक समाजका अगुवाहरुले केही दिनअघि नै सापकोटालाई सभामुख बनाउन नहुने आशयको विज्ञप्ति नै जारी गरेका छन्। सभामुख पदमा स्वच्छ छवि भएको व्यक्ति हुनुपर्ने बताउँदै उनीहरुले यस्तो विज्ञप्ति जारी गरेका हुन्।
सम्बन्धित समाचारः
नेकपाका २ नजिर : मुद्दा अदालतमा, नेता पदमा
अग्नि सापकोटाविरुद्ध ३ थान मुद्दा सर्वोच्चमा विचाराधीन, अब के होला?
सभामुखमा सापकोटा : काँडाको यात्रा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
