अग्नि सापकोटालाई सभामुख उम्मेदवार बनाउने नेकपा सचिवालयको निर्णय

राजनीति

नेपाल लाइभ आइतबार, माघ ५, २०७६ १८:०१

काठमाडौं- नेपाल कम्युनिस्ट पार्टीको सचिवालय बैठकले नेता अग्नि सापकोटालाई सभामुखको उम्मेदवार बनाउने निर्णय गरेको छ।

आइतबार साँझ प्रधानमन्त्री निवास बालुवाटारमा बसेको सचिवालय बैठकले सापकोटालाई सभामुख उम्मेदवार बनाउने निर्णय गरेको हो।

बैठकमा सहभागी भएर बाहिरिने क्रममा पार्टीका महासचिव समेत रहेका विष्णु पौडेलले सापकोटालाई सभामुख पदमा उम्मेदवारका रुपमा अघि सार्ने निर्णय गरेको बताए।

'सभामुख पदका लागि दलका तर्फबाट धेरै आकांक्षीहरू हुनुहुन्थ्यो। त्यसमध्ये सापकोटालाई सभामुख उम्मेदवार बनाउने निर्णय सर्वसहमतिका साथ गरिएको छ,' पौडेलले भने।

उपसभामुख डा शिवमाया तुम्बाहाङ्फेले राजीनामा दिएर सहयोग गर्ने अपेक्षा पार्टीले लिएको समेत उनले बताए।

डा तुम्बाहाङ्फेले नेकपाले सभामुख उम्मेदवार तय गरेपछि मात्र उपसभामुख पदबाट राजीनामा दिने बताउँदै आएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन