काठमाडौं- भारतमा प्यासेन्जर कारको बिक्री २ दशकयताकै उच्च बिन्दूमा गिरावट आएको छ। प्यासेन्जर बिक्रीमा पछिल्लो २० वर्षयता २०१९ मा सबैभन्दा धेरै कमी आएको देखिएको छ।
२०१९ मा भारतीय बजारमा २९ लाख ६२ हजार ५२ वटा बिक्री भएको तथ्यांक सार्वजनिक भएको छ। यो २०१८ को तुलनामा १२.७५ प्रतिशतले गिरावट आएको सोसाइटी अफ इन्डियन अटोमोबाइल म्यानुफ्याक्चरर्स (एसआइएम)ले जनाएको छ।
त्यस्तै कमर्सियल सवारीको बिक्री पनि १५ प्रतिशतले गिरावट आएको तथ्यांक छ। एसआइएएमका अनुसार २०१९ मा ८ लाख ५४ हजार ७ सय ५९ वटा कमर्सियल सवारी बिक्री भएको हो। भारतमा सवारीसाधनको बिक्री गिरावट आउनुको मुख्य कारण
आर्थिक वृद्धिमा देखिएको सुस्तता, सवारीसाधनको उत्पादन लागतमा भएको वृद्धिका कारण बढेको मूल्यलाई मानिएको छ।
दुई पांग्रे सवारीको बिक्री पनि २०१८ को तुलनामा २०१९ मा १४.१९ प्रतिशतले घटेर १ करोड ८५ लाख ६८ हजार २ सय ८० वटामा सीमित भएको तथ्यांक सार्वजनिक भएको छ। त्यस्तै स्कुटरको बिक्री १६.०३ प्रतिशतले घटेको हो। २०१९ मा भारतीय
बजारमा ५८ लाख ४१ हजार २ सय ५९ वटा स्कुटर बिक्री भएको थियो। मोटरसाइकलको बिक्री भने १२.९२ प्रतिशतले घटेर १ करोड २० लाख १२ हजार ८ सय ९६ वटा बिक्री भएको थियो।
भारतको समग्र अटोमोबाइल बजार २०१८ को तुलनामा २०१९ मा १३.७७ प्रतिशतले घटेको एसआइएएमले उल्लेख गरेको छ। गत वर्ष भारतमा सबै वर्गका सवारीको बिक्री २ करोड ३० लाख ७३ हजार ४ सय ३८ वटा बिक्री भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
