जनकपुर- टिपरले किचेर एक युवकको हत्या गरेको भन्दै स्थानीयले धुनषास्थित पूर्वपश्चिम राजमार्गको ढल्केवर सडकखण्ड अद्ध गरेका छन्। स्थानीयले चक्काजाम गरेपछि सयौं सवारीसाधन राेकिँदा यात्रुहरु अलपत्र परेका छन्।
मिथिला नगरपालिकास्थित औरही खोलामा टिपरले किचेर मिथिला नगरपालिका-५ श्रीपुरका २४ वर्षीय दीलीप भनिने ओम प्रकाश महतोको मृत्यु भएकाे थियाे। आज बिहान पाँच बजे साथी रोशन यादवसँग मर्निङवाकमा गएको बेला टिपरले ठक्कर दिँदा उनको मृत्यु भएको हो।
स्थानीयले गाउँले र पीडित परिवारको उपस्थिती बिना प्रहरीले शव उठाएर किन पोष्टमार्टमका लागि पठायो भनेर आक्रोश व्यक्त गरेका छन्। शवलाई प्रहरीले आवश्यक मुचुल्का बिना नै नियन्त्रणमा लिएकाले बाध्य भएर आन्दोलनमा उत्रेको उनीहरुले बताए।
उनीहरु प्रदर्शन गर्दै हत्यारालाई कारवाही र अबैध बालुवा गिट्टी उत्खनन रोक्न माग गरेका छ्न्। प्रहरी प्रशासनकै मिलोमतोमा औरही खोलाबाट बिगत लामो समयदेखि अबैध उत्खनन हुँदै आएको स्थानिय श्रवण महतोले बताए।
महतोले अवैध खोला उत्खननको विरोध गर्दै आइरहेका कारण उनकाे टिपरले किचेर हत्या गरिएको स्थानीयको दाबी छ। उनले अवैध उत्खननको लामो समय देखि ओम प्रकाशले विरोध गर्दै आएको हुँदा योजनाबद्ध रुपमा उनकाे टिपरले किचेर हत्या गरिएकाे बताए।
महतोलाई ना ७ख ६४१३ नम्बरको टिपरले ठक्कर दिएकाे थियाे। महतोसँगै रहेका रोशन यादव भने ज्यान जाेगाउन सफल भएकाे बताइएकाे छ। घटनाको प्रकृति हेर्दा टिपरले जानीजानी किचेको हुन सक्ने प्रहरीकाे आशंका छ। इलाका प्रहरी कार्यालय ढल्केवरका इन्चार्ज प्रहरी निरीक्षक रामकुमार यादवले भने, 'घटनाको प्रकृति हेर्दा नियोजित रुपमा टिपरले किचेर हत्या गरेको हुन सक्ने जस्तो देखिएको छ।'
महतोको घटनास्थलमै मृत्यु भएको थियो। उनको शव पोष्टमार्टमका लागि प्रादेशिक अस्पताल जनकपुर पठाइएको छ। घटनापश्चात् टिपर चालक फरार छन्। उनको खोजी भइरहेको प्रहरीले जनाएको छ। टिपर भने प्रहरीले नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
