जनकपुर- नेपाल पत्रकार महासंघ धनुषाले जनकपुरधाम उपमहानगरपालिकाका मेयर लाल किशोर साह सहभागी हुने कार्यक्रमको समाचारहरु बहिष्कार गर्ने निर्णय गरेको छ।
जनकपुर उपमहानगरपालिकामा मेयर साहको कार्यकक्षमा जानकी मन्दिरको जमिन अतिक्रमण भए/नभएको सम्बन्धमा प्रतिक्रिया लिन तथा समाचार संकलनका लागि गएका पत्रकारमाथि अभद्र व्यवहार भएको थियो।
पत्रकारहरू अमरकान्त ठाकुर, सुमित मिश्र, शुभाष कर्ण र राजा झालगायतका पत्रकारहरुमाथि मेयर साहले नगर प्रहरी तथा आफ्ना सहयोगी प्रयोग गरी कुटपिट गराएको आरोप लगाउँदै महासंघ धनुषाले यस्तो निर्णय गरेको हो।
साथै नेपाल पत्रकार महासंघ धनुषा शाखाका अध्यक्ष अनिल कुमार मिश्रलगायत माथी गरिएको दुर्वयव्हार तथा क्यामेरा, लेन्स, मोबाइल खोसिएको थियो। घटनापछि महासंघ धनुषा शाखाको बसेको आकस्मिक बैठकले मेयर साह सहभागी हुने कार्यक्रमका समाचार बहिष्कार निर्णय गरेको हो।
साथै महासंघले घटनाको घोर भर्त्सना गर्दै घटनाका दोषीमाथि कानुनी कारबाहीसँग माग गरेको छ। यसैगरी, कुटपिटबाट घाइते भएका पत्रकारहरुको उपचार गर्नुपर्ने, खोसिएका क्षति भएका सञ्चारसामग्रीको क्षतिपूर्ति उपलब्ध गराउनुपर्ने माग गरिएको छ। यसैगरी, नगर प्रमुख साहसहितका दोषीलाई कानुनी कारबाही गर्नुपर्ने समेत महासंघको माग छ।
यसैगरी महासंघले मागमा सुनुवाइ नभए दबाबका लागि चरणवद्व आन्दोलनका कार्यक्र गर्ने समेत निर्णय गरेको छ।
घटनामा पत्रकार सुमित मिश्रको क्यामेरा, लेन्स र मोबाइल खोसिएको छ भने पत्रकार अमरकान्त ठाकुरको क्यामेरामा तोडफोड समेत गरिएको छ।
यता घटनापछि जनकपुरधाम उपमहानगरपालिकाले पनि छुट्टै विज्ञप्ति जारी गरी नगरप्रमुखको कार्यकक्षमा भएको घटनाको स्वतन्त्र निष्पक्ष न्यायिक छानबिनका लागि माग गरेको छ।
उपमहानगरको कार्यालयमा केही संचारकर्मी र नगरप्रमुखबीचको विवादप्रति उपमहानगरले विज्ञप्ति जारी गर्दै घटनाप्रति भर्त्सना गरेको छ।
जारी विज्ञप्तिमा नेपाल पत्रकार महासंघ धनुषा शाखामा आबद्ध अमरकान्त ठाकुर,विकास साह,शत्रुधन यादव तथा महासंघ धनुषाका अध्यक्ष अनिल मिश्रसमेतका पत्रकार गुण्डाशैलीमा कार्यालयमा प्रवेस गरेको आरोप लगाइएको छ। उपमहानगरको विज्ञप्तिमा नगर प्रमुख, कार्यपालिका सदस्य, वडाध्यक्ष, सेवाग्राही समेतलाई अभद्र व्यवहार र कुटपिट गरी मच्चाएको आरोप लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
