एजेन्सी- भारतको दिल्लीमा १६ डिसेम्बर २०१२ मा भएको सामूहिक बलात्कारका चार अभियुक्तलाई माघ ८ गते बिहान ७ बजे फाँसी दिने समय तोकेको छ।
पटियाला हाउस अदालतले मंगलबार उनीहरूलाई फाँसी दिने मिति तोकेको हो। यसअघि नै उनीहरू अदालतबाट समूहिक बलात्कार र हत्यामा दोषी ठहर भएका थिए।
२३ वर्षीया दिल्लीकी निर्भया नामकी एक मेडिकल छात्रालाई चलिरहेको सार्वजनिक बसमा ६ जना युवकको समूहले समूहिक बलात्कार गरेको थियो। बलात्कारपछि उनीहरूले निर्भयाको हत्या गरेका थिए। समूहिक बलात्कार र हत्याको अभियोगमा बदालतले अक्षय‚ पवन गुप्ता‚ विनय शर्मा र मुकेश सिंहलाई दोषी ठहर गरेको थियो।
सन् २०१४ मार्चमा दिल्ली हाईको फैसलाविरुद्ध उनीहरू सर्वोच्चसम्म पुगेका थिए। तर‚ सर्वोच्चले उनीहरूको निवेदन खारेज गरिदिएको थियो।
१६ डिसेम्बर २०१२ मा आफ्ना सहकर्मीसँग विश्वविद्यालय बाहिर निस्किएकी निर्भयामाथि यस्तो घटना भएको थियो।
यो घटनालाई सर्वोच्चले दोस्रो दुनियामा हुने बर्बरताको घटनाको संज्ञा दिएको थियो। चार दोषीबाहेक प्रमुख आरोपी राम सिंहले सुरु अदालतमा मुद्दा चल्दै गर्दा तिहाड जेलमा आत्महत्या गरेका थिए।
अन्य एक अपराधी सो घटनाको समयमा नाबाली भएका कारण उसलाई ३ वर्षका लागि सुधारगृहमा राख्ने आदेश भएको थियो।
सन् २०१५ मा सो आदेश पूरा गरी सुधारगृहबाट बाहिर निस्किएपछि उनी एउटा च्यारिटी संस्थाको संरक्षणमा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775984983.png)
-1764146706.png)
-1775575666.png)
