काठमाडौं– हिजोसम्म बदलीसँगै वर्षा गराएको मौसमी प्रणाली कमजोर हुँदै गएको मौसम पूर्वानुमान महाशाखाले जनाएको छ।
महाशाखाले आइतबार बिहान निकालेको मौसम पूर्वानुमान बुलेटिनअनुसार हाल देशको पहाडी भू–भागलगायत उच्च हिमाली भू–भागहरुमा आंशिक बदली भइरहेको भएपनि अन्य ठाउँमा मौसम सामान्यतया सफा रहेको छ।
महाशाखाले आगामी तीन दिनको मौसम पूर्वानुमानगरेको छ।
यस्ताे छ आगामी तीन दिनको मौसम पूर्वानुमान
आइतबार
दिउँसो : देशको उच्च पहाडी तथा हिमाली भू–भागहरुमा आंशिक बदली रही बाँकी भू–भागमा मौसम सामान्यतया सफा रहनेछ।
राती : देशको उच्च पहाडी तथा हिमाली भू–भागहरुमा आंशिक बदली रही बाँकी भू–भागमा मौसम सामान्यतया सफा रहनेछ।
सोमबार
दिउँसो : देशको उच्च हिमाली भू–भागहरुमा आंशिक बदली रहनेछ। बाँकी भू–भागमा मौसम सामान्यतया सफा रहनेछ।
राती : देशको पहाडी भू–भाग लगायत उच्च हिमाली भू–भागहरुमा आंशिक बदली रहनेछ। बाँकी भू–भागमा मौसम सामान्यतया सफा रहनेछ।
मंगलबार
दिउँसो : देशको पश्चिमी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहनेछ। देशको पश्चिमी उच्च पहाडी तथा हिमाली भू–भागका थोरै स्थानहरुमा हल्का हिमपातको सम्भावना रहेको छ।
रातीः देशको पश्चिमी र मध्य भू-भागमा आंशिक देखि सामान्य बदली रही बाँकी भू-भागको मौसम सामन्यतया सफा रहने छ । देशको पश्चिमी उच्च पहाडी तथा हिमाली भू–भागका केही स्थानहरुमा हल्कादेखि मध्यम हिमपातको सम्भावना रहेको छ। पश्चिमी पहाडी भू-भागका थोरै स्थानहरुमा हल्का वर्षाको सम्भावना रहेको छ।
तराईको हुस्सु/शितलहरको अवस्था
मौसम पूर्वानुमान महाशाखाका अनुसार अहिले तराईका भू–भागमा हुस्सु/कुहिरोको लागेको छ। आगामी २४ घण्टा सम्म तराईका केहि स्थानमा लागेको हुस्सु/कुहिरो साँझ सम्म विस्तारै हटेर जानेछ।
कुहिरो लागेको स्थाहरुमा राम्रोसँग घाम नलाग्ने भएकोले चिसो नै रहने महाशाखाले जनाएकाे छ। चिसोबाट बच्ने उपायहरु अपनाउन, यात्रामा पर्न सक्ने जोखिम र अन्य प्रभावहरुबाट बच्न सतर्कता अपनाउन महाशाखाले सेचत गराएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
