एजेन्सी- इराकको राजधानी बगदादको अन्तर्राष्ट्रिय विमानस्थलमा अमेरिकी आक्रमणमा इरानका शीर्ष कमाण्डर कासिम सुलेमानी मारिएका छन्। सुलेमानी इरानको कुद्रस फोर्सका प्रमुख थिए।
अमेरिकी रक्षा मन्त्रालयका अनुसार राष्ट्रपति डोनाल्ड ट्रम्पले हवाई आक्रमणकाे आदेश दिएका थिए। अमेरिकाकाे याे कारवाहीका बारेमा अन्तर्राष्ट्रिय जगतले प्रतिक्रिया जनाएकाे छ।
अयातुल्ला अली खमानेई, इरानका सर्वोच्च धार्मिक नेता
सबै शत्रुहरूलाई थाहा हुनुपर्दछ कि प्रतिरोधको उत्साह दाेब्बरका साथ जारी रहनेछ। यस पवित्र युद्धमा हाम्रो जित पक्का छ।
इरानका राष्ट्रपति हसन रूहानी
सुलेमानीको शहादतका साथ इरानले अमेरिकाको विस्तारित नीतिलाई अझ जोसका साथ विरोध गर्ने छ र इस्लामिक मूल्यमान्यताको रक्षा गर्नेछ। इरान र यस क्षेत्रका अन्य स्वतन्त्र प्रेमी देशहरुले यसको बदला लिने कुरामा कुनै शंका छैन।
अमेरिकी विदेश मंत्री माइक पोम्पीओ
इराकीहरु स्वतन्त्रताको लागि सडकमा नाचिरहेका छन्। धन्यबाद छ कि जनरल सुलेमानी छैन।
रुसी विदेश मन्त्रालय
सुलेमानीको हत्याले यस इलाकामा तनाव बढाउने छ। सुलेमानीले इरानको राष्ट्रिय हितको रक्षा गर्न काम गरे। हामी इरानी जनतासँग सहानुभूति राख्छौं।
रुसी राष्ट्रपित भ्लादिमिर पुटिन
चिनियाँ विदेश मन्त्रालयका प्रवक्ता गेङ्ग शुआङ्ग
हामी सबै पक्षबाट र विशेष गरी अमेरिकाबाट संयमको लागि अपील गर्दछौं। चीनले सँधै अन्तर्राष्ट्रिय सम्बन्धमा शक्ति प्रयोगको विरोध गर्दछ। इराकको संप्रभुता र स्वतन्त्रताको सम्मान गरिनु पर्छ।
सिरियन विदेश मन्त्रालय
अमेरिका मध्यपूर्वमा हिंसा जगाउन कोशिस गर्दैछ। अमेरिकाको यो डरपोक कार्यले शहीद नेताहरुको मार्ग अपनाउने प्रतिबद्धतालाई मजबुत बनाउनेछ।
इराकी प्रधानमन्त्री अब्दुल महदी
बगदाद एयरपोर्ट हमला इराकको विरुद्ध आक्रामक कार्य हो र यसको सार्वभौमिकताको उल्लंघन हो। यसले यस क्षेत्र र विश्वभरि युद्धको खतरा निम्त्याएकाे छ। उक्त हवाई हमलाले इराकमा अमेरिकी सेनाको उपस्थितिका सर्तहरु पनि उल्लंघन गरेको छ।
न्यान्सी पेलोसी, अमेरिकी प्रतिनिधि सभाकी अध्यक्ष
हिंसा आजको हवाई आक्रमणको कारण खतरनाक तहमा बढ्न सक्दछ। अमेरिका र सम्पूर्ण विश्वले त्यो तनावको प्रतिरोध गर्न सक्दैन जुन फिर्ता गर्न गाह्रो छ। अमेरिकी प्रशासनले सैन्य शक्ति प्रयोगको अनुमति विना नै आक्रमण गरेको छ। यो कार्य कंग्रेससँग परामर्श नगरी गरिएकाे छ।
अमेरिकी सीनेटर जिम रिस्क
सयौं अमेरिकीहरुको मृत्युको लागि कासिम सुलेमानी जिम्मेवार थिए। मैले इरान सरकारलाई यसभन्दा अघि चेतावनी दिइसकेको थिए। उनीहरूले हाम्रो संयमलाई हाम्रो कमजोरी नबनाउन्। आज, ती सबै अमेरिकी सैन्य कर्मीहरुलाई न्याय प्रदान गरिएको छ, जो बर्षौंदेखि इरानी आक्रमणमा मारिए।
जो बिडेन, अमेरिकाकाे राष्ट्रपतिका उम्मेद्वार
यो एक खतरनाक क्षेत्रमा तनाव बढाउनको लागि एक कदम हो। राष्ट्रपति ट्रम्पले विस्फोटक अवस्थालाई थप सहज पारिसकेका छन्। उनीहरुले अमेरिकीरुलाई उनीहरुको सैनिक, दूतावासका कर्मचारी, हाम्रा जनता र हाम्रो चासोहरूको रक्षा गर्ने रणनीति के हो भनेर बताउनुपर्दछ।
अमेरिकी सीनेटर एलिजाबेथ वारेन
सुलेमानी एक हत्यारा थिए। ऊ हजारौंको मृत्युको लागि जिम्मेवार थियो, सयौं अमेरिकीहरू सहित। तर यस कार्यको कारण इरानको अवस्था बिग्रँदो छ, त्यहाँ ज्यान गुमाउने र मध्य पूर्वमा पनि नयाँ द्वन्द्व सुरु हुन सक्छ। हाम्रो प्राथमिकता यो हुनुपर्दछ कि भारी खर्चको साथ अर्को युद्ध हुनु हुँदैन।
अमेरिकी सीनेटर क्रिस मर्फी
सुलेमानी अमेरिकाको शत्रु थिए। तर तिनीहरूको हत्याले अमेरिकी जनतालाई जोखिम बढाउनेछ।
संयुक्त राष्ट्रका लागि अमेरिकी पूर्व दूत निक्की हेली
कासिम सुलेमानी एक आतंकवादी थिए र उनको हात अमेरिकी जनताको रगतले दाग लागेको थियो। जसले शान्ति र न्यायको कुरा गर्छन् उसले उनको मृत्युको कदर गर्नुपर्छ। हामीलाई राष्ट्रपति ट्रम्पप्रति गर्व छ।
बीबीसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
