काठमाडौं- बलात्कारको आरोप लागेका सिद्धबाबा भनिने कृष्णबहादुर गिरीलाई धरौटीमा रिहा गरेको भन्दै अधिकारकर्मी महिलाहरुले विरोध जनाएका छन्।
जिल्ला अदालत सुनसरी अगाडि भेला भएका उनीहरुले बलात्कारी छाड्न पाइँदैन भन्दै प्रदर्शन गरेका थिए। अदालतभित्र पस्न खोज्दा प्रहरीले उनीहरुलाई रोकेको थियो।
सोमबार जिल्ला अदालतमा भएको थुनछेक बहसपछि न्यायाधीश राधाकृष्ण उप्रेतीको १ नम्बर इजलासले सिद्धबाबालाई ३ लाख धरौटीमा रिहा गर्ने आदेश दिएको हो।
अदालतको आदेशलगत्तै उनले ३ लाख रूपैयाँ अदालतमा बुझाएका थिए।
बलात्कारको आरोपमा पक्राउ परेका सिद्धबाबाविरुद्ध १० वर्ष कैद सजाय माग गर्दै गत बिहीबार जिल्ला अदालतमा मुद्दा दर्ता भएको थियो।
जिल्ला प्रहरी कार्यालय सुनसरीको अनुसन्धान प्रतिवेदनअनुसार जिल्ला सरकारी वकिल कार्यालयले मुद्दा दर्ता गरेको थियो।
आफ्नै एक अनुयायीलाई बलात्कार गरेको आरोपमा प्रहरीले उनलाई २७ दिनअघि पक्राउ गरेको थियो।
उनलाई २५ दिनसम्म अनुसन्धान गरेर बिहीबार मुद्दा दर्ता गराइएको थियो।
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
