काठमाडौं–अख्तियार दुरूपयोग अनुसन्धान आयोगले यातायात व्यवस्था कार्यालय, बुटवलका तत्कालीन प्रमुख र तत्कालीन इन्स्पेक्टरविरुद्ध विशेष अदालतमा मुद्दा दायर गरेको छ।
ट्रायल फेल भएकालाई पैसा लिएर अनुमतिपत्र दिने तत्कालीन प्रमुख आनन्दकेशरी पोखरेल र तत्कालीन पश्चिम क्षेत्रीय ट्राफिक प्रहरी कार्यालय, रुपन्देहीका इन्स्पेक्टर रविन्द्र श्रेष्ठविरुद्ध मुद्दा दायर भएको हो।
उनीहरुले भ्रष्टाचार गरेको भन्ने सूचनाका आधारमा आयोगले अनुसन्धान गर्दा भ्रष्टाचार गरेको देखिएको हो। आयोगका अनुसार उनीहरुले ७१ जना फेल परीक्षार्थीलाई पास बनाएका थिए। आयोगले दुवैलाई कैद र जरिवाना मागसमेत गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
