वासिङटन - अमेरिकाको एफडिए (फुड एन्ड ड्रग एडमिनिस्ट्रेसन डिपार्टमेन्ट) ले जिनथेरापीबाट ल्युकेमिया (रक्त क्यान्सर) को उपचार गर्न अनुमति दिएको छ।
यो प्रविधिमा ल्युकेमियाका बिरामीको रोग प्रतिरोध प्रणालीको संरचना फेरबदल गरी क्यान्सरविरुद्ध आक्रामक बनाएर उपचार गरिन्छ।
एफडिएद्वारा बुधबार जारी विज्ञप्तिमा क्यान्सरलगायत अन्य प्राणघातक रोगको उपचार जिनथेरापीबाट गर्न अनुमति दिने निर्णय ऐतिहासिक कोसेढुंगा भएको र अब औषधि उपचारले नयाँ युगमा प्रवेश गरेको उल्लेख छ।
विज्ञप्तिअनुसार बालबालिका र युवाको बि–सेल एक्युट लिम्फोब्लास्टिक ल्युकेमियाको उपचार सिएआर–टी सेल थेरापीबाट गर्न स्विकृति दिइएको छ ।
अहिले यो उपचारका लागि नोभार्टिस कम्पनीले ४ लाख ७५ हजार अमेरिकी डलर शुल्क लिइरहेको छ । यो उपचार पद्धति क्यान्सरका परम्परागत उपचार पद्धति शल्यक्रिया, केमोथेरापी वा रेडियोथेरापी भन्दा फरक छ।
किमरा एन्टिजेन रिसेप्टर–टी (सिएआर–टी) भनिने यो थेरापीमा बिरामीको रगतका सेतो रक्तकण झिकिन्छ र त्यसका टी सेलको वंशाणु संरचना परिवर्तन गरी क्यान्सरका टिस्यु वा सेल खोजेर नष्ट पार्न प्रोग्राम गरिन्छ । त्यसपछि ती सेता रक्तकणलाई फेरि बिरामीको शरीरमा हालिन्छ । शरीरमा प्रवेश गरेर क्यान्सर टिस्यु फेला पार्नासाथ ती सेता रक्तकणको संख्या वृद्धि हुन्छ र तिनले क्यान्सरका टिस्यु नष्ट पार्छन्।
तर यो प्रविधि अझै विकासको प्रारम्भिक चरणमा नै छ । रोग प्रतिरोध क्षमता वृद्धि गर्ने तरिका क्यान्सरको उपचारमा सर्वाधिक लोकप्रिय छ । विभिन्न औषधिले रोग प्रतिरोध क्षमता बढाएर क्यान्सरका टिस्यु नष्ट गर्न लगाउनु विश्वभर नै क्यान्सरको उपचारमा सर्वाधिक प्रयोग गरिन्छ।
सामान्यतयाः ल्युकेमिया उपचारका परम्परागत केमोथेरापी, शल्यक्रिया र रेडिएसनले काम नगरेपछि मात्र किमरा वा सिएआर–टी उपचार प्रविधि प्रयोग गरिन्छ ।
चिल्ड्रेन्स हस्पिटल अफ फिलाडेल्फियामा सिएआर–टी प्रविधिबाट पहिलो बालकको उपचार गरेका चिकित्सक डा स्टिफन ग्रुपले नयाँ प्रविधि औधी उत्साहप्रद रहेको बताए । उनले भने, ‘हामीले ल्युकेमिया उपचारमा योजस्तो प्रभावकारी प्रविधि अर्को पाएका छैनौं ’
सिएआर–टि प्रविधिबाट उपचार गरिएका पहिलो बिरामी मर्न लागेका, तर उपचारपछि अहिले ५ वर्षसम्म पनि उनी क्यान्सरमुक्त नै रहेका छन् । सिएआर–टि प्रविधिबाट उपचार गरिएका ६३ जना बिरामीमध्ये ८३ प्रतिशत तीन महिनाभित्र पूर्णतया क्यान्सरमुक्त भएका थिए । त्यसपछि अहिलेसम्मको उनीहरूको स्वास्थ्य स्थितिबारे तथ्यांक संकलन भइरहेको छ ।
तर सिएआर–टि प्रविधि पनि जोखिमरहीत भने छैन । शरीरमा सिएआर–टि सेलको संख्या अत्यधिक वृद्धि हुँदा प्राण जानसक्ने साइटोकिन रिलिज सिन्ड्रोम देखिन सक्छ । तर यसलाई औषधिले नियन्त्रण गर्न सकिन्छ।
विभिन्न रक्त क्यान्सरको उपचारमा भने सिएआर–टी प्रविधि सर्वाधिक प्रभावकारी देखिएको छ । तर यो प्रविधि फोक्सो वा छालाको क्यान्सर उपचारमा भने त्यति प्रभावकारी हुन सकेको छैन।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
