काठमाडौं– सन् २०१९ र २०२३ को आइसिसी एकदिवसीय विश्वकप क्रिकेटमा १० टोलीबीच मात्र प्रतिस्पर्धा गराउने निर्णय सच्याउन माग गर्दै २९ देशका क्रिकेट फ्यान एकजुट भएका छन्। विश्वकप क्रिकेटमा थोरै मात्र टिम सहभागी गराउँदा एसोसिएट टिमलाई विश्वकपमा रोक्ने र क्रिकेट विकासमा असर गर्ने भन्दै फ्यानहरु एकजुट भएका हुन्।
नेपाली क्रिकेट समर्थक समाज (एनसिएसएस) र 'नेपाली क्रिकेट फ्यान्स अन फेसबुक' नेपालको तर्फबाट अनलाइन हस्ताक्षर अभियानमा सहभागी छन्। एनसिएसएसका अध्यक्ष भानु सिग्देलका अनुसार २४ एसोसिएट देश र ५ टेस्ट खेल्ने देशका फ्यानहरुले अभियानमा साथ दिएका छन्। 'एसोसिएट मात्र होइन टेस्ट खेल्ने राष्ट्रका क्रिकेट खेलाडी तथा फ्यान आइसिसीको निर्णयप्रति असन्तुष्ट छन्', सिग्देलले नेपाल लाइभसँग भने, आइसिसीलाई दबाब दिने उद्देश्यले अभियान चलाएका हौं।'
अनलाइनमार्फत हुने अभियान ६ महिनासम्म चल्नेछ। 'चेन्ज डट ओआरजी' मार्फत हुने हस्ताक्षर अभियानमा १० हजार हस्ताक्षर पुगेपछि प्रतिष्ठित व्यक्तिले पनि भाग लिने अध्यक्ष सिग्देलले बताए। जसमा टेस्ट प्लेइङ राष्ट्रका कप्तानदेखि पूर्वखेलाडी समेत हुनेछन्। ५० हजार हस्ताक्षर नाघेपछि आइसिसीलाई बुझाइनेछ।
'५० हजार हस्ताक्षर एसोसिएट हेर्ने अधिकारीमार्फत आइसिससीलाई बुझाइनेछ', सिग्देलले भने, 'आइसिसीले निर्णय सच्याओस् भन्ने उद्देश्यले दबाब दिएका हौै। निर्णय नसच्याए पनि आइसिसीलाई ठूलो क्रिकेट समुदाय असन्तुष्ट छन् भन्ने सन्देश जाने पक्का छ।'
सन् २०१९ र २०२३ को विश्वकपमा आइसिसीको शीर्ष ७ वरीयता प्राप्त टिम र आयोजक गरी ८ टिम सिधै छनोट हुनेछन्। बाँकी २ स्थानका लागि १० टिमबीच छनोट प्रतियोगिता हुनेछ। सन् २०१९ को छनोटमा वेस्ट इन्डिज, जिम्बाबे, आयरल्यान्ड र अफगानिस्तानले भाग लिनेछन् । यस्तै डब्लूसिएल च्याम्पियनसिपका शीर्ष ४ र डिभिजन–२ का शीर्ष २ टिमले पनि छनोटमा प्रतिस्पर्धा गर्नेछन्।
अनलाइन हस्ताक्षरमा सहभागी हुने तरिका
तलको लिंक खोल्नुहोस् –
( https://www.change.org/p/icc-change-the-decision-to-reduce-… )
- 'Sign Petition' मा क्लिक गर्नुस्।
- First Name, Last Name र Email भर्नुस्।
- Sign मा Click गर्नुस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
