काठमाडौं- एसियाली बौद्धिक अपांग महासंघको २४ औं सम्मेलनकाे उपराष्ट्रपति नन्दकिशोर पुनले मंगलबार उद्घाटन गर्दै छन्। सुस्त मनःस्थितिका बालबालिकाको कल्याणका क्षेत्रमा आआफ्ना देशमा भएका उपलब्धि, अनुभव, सिकिएका ज्ञान र सीपहरुको आदान प्रदान गर्ने उद्देश्यले काठमाडाैंमा सम्मेलनकाे आयाेजना गरिएकाे हाे।
सम्मेलन पूर्वका बैठक साेमबार सम्पन्न भएका छन्। याक एण्ड यति होटलमा उद्घाटन हुने कार्यक्रममा नेपाल, भारत, श्रीलंका, बंगालादेश, दक्षिण कोरिया फिलिपिन्स, इण्डोनेशिया, सिंगापुर, जापान, ताइवान, मलेशिया, मकाउ र थाईल्याण्डका गरी ३सय ५०जना प्रतिनिधिहरु सहभागी हुने छन्। सम्मेलनको पूर्वसंध्यामा आयोजक एसियाली बौद्धिक अपांग महासंघ (Asian Federation on Intellectual Disabilites, AFID)ले सोमबार पत्रकार सम्मेलनको आयोजना गरेर यस सम्मेलनबाट सुस्त मनःस्थितिका बालबालिकाको कल्याणका क्षेत्रमा यस क्षेत्रका देशहरुबीचमा आपसी ज्ञान, सीप, अनुभव आदान प्रदान भई एकपसमा सहयोग र समझदारी अभिबृद्धि हुने जानकारी दिएको छ।
पत्रकार सम्मेलनमा एसियाली बौद्धिक अपांग महासंघका अध्यक्ष डा. सच्चितानन्द श्रीवास्तवले सम्मेलनका अवसरमा १४ देशका राष्ट्रिय प्रतिवेदनमाथि छलफल हुने, ५ वटा प्लेनरी सेसनमा ३२ वटा विषयगत कार्यपत्रहरु प्रस्तुत गरी छलफल गरिने र अन्त्यमा काठमाडौं घोषणापत्र जारी गरिने बताए। झण्डै ४ दशक अगाडि स्थापना गरिएको राष्ट्रिय सुस्त कल्याण मनस्थिति संस्थाले हाल २६ जिल्लामा ३७ वटा विद्यालय स्थापना र सञ्चालन गरी १० हजार १ सय २० जना बालबालिकाको हेरचाह र व्यक्तित्व विकास तथा जीविकोपार्जनका उपायहरु सिकाइरहेको उनले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771505229.png)
-1764146706.png)
