राजविराज- जंगली हात्तीले एकै दिन दर्जनभन्दा बढी सप्तरीमा स्थानीवासी त्रसित भएका छन्।
अचानक गाउँ पस्ने हात्तीले घर तथा अन्नवालीमा क्षति गर्न थालेपछि सर्वसाधारणमा त्रास फैलिएको छ।
कोशी टप्पु वन्य जन्तु आरक्षबाट निस्केका जंगली हात्तीले आइतबार बिहान आतंक मच्चाएका छन्।
४ वटा हात्तीको समूहले कृष्णसवरन गाउँपालिका-६, मोहनपुरका दुखी यादव, कमानसिंह मगर, मन्जु कार्की, रोमा दमाईलगायत एक दर्जनभन्दा बढी घर भत्काएको स्थानीयवासी बोधराज सुवेदीले बताए।
हात्तीले घर भत्काउनुका साथै अन्न तथा खेतबारीमा समेत क्षति गरेको उनको भनाइ छ।
शनिबार साँझमा पनि हात्तीले गाउँमा पसेर आतंकित बनाएको अर्का स्थानीयवासी प्रकाश आचार्यले बताए।
अन्नवाली भित्र्याउने समयमा हरेक वर्ष हात्तीले दुःख दिने गरेको र यस वर्ष पनि धानबाली भित्र्याउने बेला भएपछि हात्तीले दुःख दिन थालेको सर्वसाधारणहरु बताउँछन्।
असअघि पनि हात्तीले सप्तरीको पुर्वउत्तर क्षेत्रमा दुःख दिने गरेको थियो।
.jpg)
जेठमा हात्तीको आक्रमणबाट परी कञ्चनरुप नगरपालिका-६, जमुवाका ६५ वर्षीय गोसाई चौधरीको मृत्यु भएको थियो भने २० चैतमा हात्तीले झटारो हानेर हनुमाननगर कंकालिनी नगरपालिका-१, भारदहका ३५ वर्षीय पवन लौगी घाईते भएका थिए।
दुई साताबीचमा हात्तीले कञ्चनरुप नगरपालिका, अग्नीसाईर कृष्णासवरण र रुपनी गाउँपालिका लगायतका विभिन्न गाउँमा १ दर्जनभन्दा बढी घर भत्काएका थिए।
हात्तीले सप्तरीको सप्तकोशी, कंचनरुप, हनुमाननगर कंकालिनी, अग्निसाईर कृष्णसवरण, तिरहुत, शम्भुनाथ, सुरुङ्गालगायतका स्थानीय तहमा हेरक वर्ष दुःख दिने गरेको छ।
सप्तरीमा जंगली हात्तीको आक्रमणमा परी हालसम्म १ दर्जनभन्दा बढीले ज्यान गुमाइसकेका छन्।
कञ्चनरूप नगरपालिकामा मात्रै ९ जनाको ज्यान गईसकेको स्थानीय उत्तम आचार्यले दाबी गरे।
हात्तीले दिनहुँ दुःख दिँदा पनि सुरक्षाको व्यवस्था नहुँदा आफुहरु निर्धक्क भएर सुत्न नसकेको स्थानीयको गुनासो छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
