काठमाडौं- कैलालीको पूर्वपश्चिम राजमार्ग करिब ५ घण्टापछि सुचारु भएको छ।
बसको ठक्करबाट घाइते दुई बालकको मृत्यु भएपछि शुक्रबार आफन्तहरूले विरोधमा राजमार्ग अवरुद्ध गरेका थिए। मृतकका आफन्त, बस समिति, राजनिति दल र प्रहरी प्रशासनबीच बौनियाँमा वार्ता सुरु भएपछि राजमार्ग सुचारु भएको इलाका प्रहरी कार्यालय बौनियाँका प्रहरी निरीक्षक ध्रूव विष्टले जानकारी दिए।
पीडितहरूले उचित क्षतिपूर्तिको मागसहित बौनियाँ र सुखड सडक अवरुद्ध गरेका थिए। मृतकका आफन्तहरूले यातायात र मालबाहक सवारी साधन सञ्चालनमा रोक लगाएका थिए।
बिहीबार साँझ बर्दगोरीया गाउँपालिका-१ बौनियाँ नजिकै महेन्द्रनगरबाट काठमाडौं गइरहेको ना ७ ख ६०४६ नम्बरको यात्रुबाहक बसले ठक्कर दिँदा साइकलमा सवार दुई जना बालक घाईते भएका थिए।
घाइतेमध्ये बर्दगोरीया गाउँपालिका १ का ८ वर्षकी अंशु चौधरीको भारतको लखनउ र घोडाघोडी नगरपालिका ८ का १२ बर्षका लक्ष्मण चौधरीको नेपालगञ्ज मेडिकल कलेज कोहलपुरमा मृत्यु भएको प्रहरीले जनाएको छ।
ठक्कर दिने बसलाई इलाका प्रहरी कार्यालय लम्कीले नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771505229.png)
-1764146706.png)
