राजविराज- घर पोत्न माटो खन्ने क्रममा ढिस्कोले पुरिएर शुक्रबार बिहान सप्तरीमा एक बालिकाको मृत्यु भएको छ। अर्की बालिकाको खुट्टामा गम्भीर चोट लागेको छ।
माटोको ढिस्कोले पुरिएर कन्चनरुप नगरपालिका-११, गोरपार निवासी पवन सरदारकी छोरी १३ वर्षिया पुस्पाकुमारी सरदारको घटनास्थलमै मृत्यु भएको इलाका प्रहरी कार्यालय कन्चनपुरका डिएसपी मकेन्द्र मिश्रले बताए।
उनीसँगै माटो खन्दै गरेकी लागु सरदारकी छोरी १५ वर्षिया मनपृत गम्भीर घाइते भएकी छिन्। ढिस्कोले पुरिएर उनको बायाँ खुट्टा अलग्गिएको छ। घुँडामुनिको सवै भाग छुट्टिएको मिश्रले जानकारी दिए। घाइतेको विराटनगरस्थित नोवेल हस्पिटलमा उपचार भइरहेको छ।
कन्चनरुप नगरपालिका-११, भुवनपट्टीस्थित चुरे पहाडको वक्धुवा खोलामा माटो खन्न गएका बेला बिहान साढे ८ बजे उनीहरुलाई ढिस्कोले पुरेको इलाका प्रहरी कार्यालय कन्चनपुरले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
