धनगढी– कैलाली प्रहरीले ब्राउन सुगरसहित एक युवतीलाई पक्राउ गरेको छ। नेपाल–भारतको सिमा क्षेत्र त्रिनगर भन्सार नाकामा खटिएको प्रहरी टोलीले ब्राउन सुगरसहित युवतीलाई पक्राउ गरेको हो।
धनगढी उपमहानगरपालिका वडा नम्बर ६ घर भएकी २४ वर्षीया कौशिल्या चौधरी स्वाँरलाई पक्राउ परेकी हुन्।
कौशिल्या हाल वडा नम्बर ७ क्याम्पस रोडमा डेरामा बस्दै आएको जनाइएको छ। उनलाई प्रहरीले भारतबाट नेपालतर्फ आइरहेको अवस्थामा चेकजाँच गर्दा शरीरमा लुकाइछिपाई राखेको अवस्थामा तीन ग्राम छ सय ६० मिलिग्राम ब्राउन सुगर बरामद गरेको थियो।
प्रहरीले कौशिल्यालाई नियन्त्रणमा राखी थप अनुसन्धान अघि बढाएको कैलाली जिल्ला प्रहरी कार्यालयका प्रवक्ता एवं प्रहरी निरीक्षक प्रकाशसिंह कार्कीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
