काठमाडौं– सुरुमा सभामुख कृष्णबहादुर महराबाट आफूमाथि यौन दुर्व्यवहार भएको बताएकी महिला आफूमाथि कुनै दुर्व्यवहार नभएको भन्दै प्रहरीमा निवदेन दिएकी छन्।
संसद सचिवालयमा कार्यरत ती महिलाले आइतबार आफूलाई सभामुख महराले यौन दुर्व्यवहार गरेको भन्दै मिडियामा आएकी थिइन्।
तर त्यसको २४ घन्टा पनि नबित्दै उनले उक्त बोली फेर्दै महराबाट कुनै पनि दुर्व्यवहार नभएको बताएकी थिइन्।
बुधबार महानगरीय प्रहरी वृत्त नयाँ बानेश्वरमा पुगेर ती महिलाले निवेदन दर्ता गराएको महानगरीय प्रहरी परिसर काठमाडौंका प्रवक्ता होविन्द्र बोगटीले बताए।
पछिल्लो समय आफू डिप्रेसनको बिरामी रहेको र औषधि समेत खाँदै आएको बताउने ती महिलाले महराले आफूमाथि कुनै दुर्व्यवहार नगरेको र समाचार कसरी बाहिरियो भन्नेबारे कुनै जानकारी नभएको निवेदनमा उल्लेख गरेको बताइएको छ।
महरामाथि लागेको आरोप झूटो भएको उनको दाबी छ।
संसद सचिवालयमा कार्यरत ती महिलाको सुरुका भनाइ बाहिरिएपछि महराले नैतिकताको आधारमा राजीनामा दिइसकेका छन्।
उनको राजीनामा बुधबार स्वीकृत भइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
