जनकपुर- प्रहरीको भ्यानले मोटरसाइकललाई ठक्कर दिँदा मोटरसाइकलमा सवार एक युवकको मृत्यु भएको छ भने एकजना घाइते भएको छ। बुधबार प्रहरीको भ्यानले ती युवक सवार मोटरसाइकललाई जनकपुर नपामा ठक्कर दिएको थियो।
मृत्यु हुने युवक धनुषाको धनौजी घर भई हाल जनकपुर-४ मा डेरा गरी बस्ने १८ वर्षीय मनीष मण्डल रहेको जनकपुर अञ्चल अस्पतालले जनाएको छ।
मोटरसाइकलमा सवार अर्का युवक जनकपुर ४ बस्ने १६ वर्षीय नजीरुल अंसारी घाइते भएका छन्। घाइतेको उपचार अहिले अञ्चल अस्पतालमा भइरहेको छ।
अनटेस्ट २२० पल्सर मोटरसाइकल र धनुषा प्रहरीको ना १ ग ४७९ नम्बरको प्रहरी भ्यान एक आपसमा ठोक्किएर दुर्घटना भएको थियो।
धनुषा प्रहरीका प्रवक्ता रामेश्वर कार्कीले प्रहरीको ठूलो भ्यान सर सफाई गरी फर्किरहेको बेला अत्यधिक गतिमा आएको मोटरसाइकल अनियन्त्रित भई गाडीमा ठोक्किएर दुर्घटना भएको बताए।
दुर्घटनापश्चात तत्काल जनकपुर अञ्चल अस्पताल उपचारको लागि ल्याइएको मनिषलाई डाक्टर असलम शाहले मृत घोषणा गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
