जनकपुर- प्रहरी भ्यानले एक मोटरसाइकललाई ठक्कर दिँदा मोटरसाइकलमा सवार एक युवकको आज बिहान जनकपुरमा मृत्यु भएको छ भने एकजना घाइते भएका छन्।
मृत्यु हुने युवक धनुषाको धनौजी घर भई हाल जनकपुर-४ मा डेरा गरी बस्ने १८ वर्षीय मनीष मण्डल रहेको जनकपुर अञ्चल अस्पताले जनाएको छ। मोटरसाइकलमा सवार अर्का युवक जनकपुर-४ बस्ने १६ वर्षीय नजीरुल अन्सारी घाइते भएका छन्। घाइतेको उपचार अहिले अञ्चल अस्पतालमै भइरहेको छ।
धनुषा प्रहरीको ना१ग ४७९ नम्बरको भ्यानले अनटेस्ट मोटरसाइकललाई ठक्कर दिएको थियो।
धनुषा प्रहरीका प्रवक्ता रामेस्वर कार्कीले प्रहरीको ठूलो भ्यान सरसफाइ गरी फर्किरहेको बेला अत्याधिक गतिमा आएको मोटरसाइकल अनियन्त्रित भई गाडीमा ठोक्किएर दुर्घटना भएको बताए।
दुर्घटनापश्चात् तत्काल जनकपुर अञ्चल अस्पतालमा उपचारको लागि ल्याइएकोमा मनिषलाई चिकित्सकले मृत घोषणा गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
